കേരള എൻജിഒ യൂണിയൻ 15 ആംബുലൻസുകൾ സർക്കാരിന് കെെമാറി
തിരുവനന്തപുരം: കേരള എൻജിഒ യൂണിയൻ വജ്ര ജൂബിലിയുടെ ഭാഗമായി 15 ആംബുലൻസുകൾ സർക്കാരിന് കെെമാറി വേറിട്ട മാതൃകയായി. ആബുലൻസുകൾ കെെമാറുന്നതിൻറെ സംസ്ഥാനതല ഉദ്ഘാടനം ആരോഗ്യ മന്ത്രി വീണ ജോർജ് തിരുവനന്തപുരം മെഡിക്കൽ കോളേജ് ഗ്രൗണ്ടിൽ നടന്ന ചടങ്ങിൽ നിർവഹിച്ചു.
ചടങ്ങിൽ എൻജിഒ യൂണിയൻ സംസ്ഥാന പ്രസിഡണ്ട് എം വി ശശിധരൻ അധ്യക്ഷത വഹിച്ചു. കടകംപള്ളി സുരേന്ദ്രൻ എംഎൽഎ സംസാരിച്ചു. ആരോഗ്യവകുപ്പ് ഡയറക്ടർ ഡോ. റീന കെ ജെ, മെഡിക്കൽ വിദ്യാഭ്യാസ ഡയറക്ടർ ഡോ. തോമസ് മാത്യു എന്നിവർ പങ്കെടുത്തു. യോഗത്തിൽ ജനറൽ സെക്രട്ടറി എം എ അജിത് കുമാർ സ്വാഗതവും സംസ്ഥാന ട്രഷറർ വി കെ ഷീജ നന്ദിയും പറഞ്ഞു.
