കീഴരിയൂരിൽ റബ്ബർ പുകപ്പുരയ്ക്ക് തീപിടിച്ചു
കീഴരിയൂർ: കീഴരിയൂരിൽ റബ്ബർ പുകപ്പുരയ്ക്ക് തീപിടിച്ചു. എളമ്പിലാട്ട് ചട്ടിപ്പുരയിൽ മുഹമ്മദ് റഷീദിന്റെ ഉടമസ്ഥതയിലുള്ള പറമ്പിലെ പുകപ്പുരക്കാണ് തീപിടിച്ചത്. വെള്ളാരം കല്ലുള്ളതിൽ വിനോദൻ എന്നയാൾ ലീസിനെടുത്തു നടത്തുന്ന സിമൻ്റ് കട്ടകൊണ്ട് നിർമ്മിച്ചതും മേൽക്കൂര ഷീറ്റിട്ടതുമായ റബ്ബർ ഷീറ്റ് ഉണങ്ങാനുള്ള പുരയ്ക്ക് തീ പിടിച്ചത്. ഇന്നലെ രാത്രിയാണ് സംഭവം.
.
.
വിവരം കിട്ടിയതിനെ തുടർന്ന് കൊയിലാണ്ടിൽ നിന്നും അഗ്നിരക്ഷാസേന അസിസ്റ്റന്റ് സ്റ്റേഷൻ ഓഫീസർ അനിൽകുമാർ പിഎമ്മിന്റെ നേതൃത്വത്തിൽ സംഘം എത്തി തീ പൂർണ്ണമായും അണച്ചു. ഏകദേശം 3 ലക്ഷത്തിലധികം രൂപയുടെ നഷ്ടം കണക്കാക്കുന്നു. ഫയർ ആൻഡ് റെസ്ക്യു ഓഫീസർമാരായ ലതീഷ് എൻ എം, രതീഷ് കെ എൻ, ബിനീഷ് കെ, നിധിപ്രസാദി ഇ എം, ഷാജു കെ, ഹോംഗാർഡുമാരായ ബാലൻ ടിപി, ഷൈജു എന്നിവർ രക്ഷാപ്രവർത്തനത്തിൽ ഏർപ്പെട്ടു.
