എറണാകുളം ജില്ലയിൽ മാറ്റിവെച്ച നവകേരള സദസ്സുകൾ ഇന്നും നാളെയും
കൊച്ചി: എറണാകുളം ജില്ലയിലെ നാലു നിയോജക മണ്ഡലങ്ങളിലെ മാറ്റിവെച്ച നവകേരള സദസ്സുകൾ തിങ്കൾ, ചൊവ്വ ദിവസങ്ങളിലായി നടക്കും. തൃക്കാക്കര മണ്ഡലത്തിലെ സദസ്സ് തിങ്കളാഴ്ച പകൽ രണ്ടിന് കാക്കനാട് സിവിൽ സ്റ്റേഷൻ പരേഡ് ഗ്രൗണ്ടിലും പിറവം മണ്ഡലത്തിലേത്‌ വൈകിട്ട് നാലിന് കെഎസ്ആർടിസി ബസ്‌ സ്റ്റാൻഡ് ഗ്രൗണ്ടിലും നടക്കും.
ചൊവ്വാഴ്ച പകൽ രണ്ടിന് തൃപ്പൂണിത്തുറ നിയോജക മണ്ഡലത്തിലെ സദസ്സ് പുതിയകാവ് ക്ഷേത്രം മൈതാനത്തും വൈകിട്ട് നാലിന് കുന്നത്തുനാട്‌ മണ്ഡലത്തിലേത്‌ കോലഞ്ചേരി സെന്റ് പീറ്റേഴ്‌സ് കോളേജ് മൈതാനത്തും നടക്കും. സിപിഐ സംസ്ഥാന സെക്രട്ടറി കാനം രാജേന്ദ്രന്റെ മരണത്തെ തുടർന്നാണ് സദസ്സ് മാറ്റിയത്‌.
