വയനാട്ടിൽ സ്ഫോടനം: യുവാവിൻ്റെ കൈവിരലുകൾ അറ്റു

വയനാട്ടിൽ സ്ഫോടനം: യുവാവിൻ്റെ കൈവിരലുകൾ അറ്റു. പയ്യംമ്പള്ളി മലയിൽ പീടിക പരേതനായ പുളിപറമ്പിൽ ജോണിയുടെ മകൻ ഷെൽജു (30) വിനാണ് സ്ഫോടനത്തിൽ പരിക്കേറ്റത്. കൈവിരലുകൾക്കും, കണ്ണിനും പരിക്കേറ്റിട്ടുണ്ട്. ഷെൽജു ദാസനക്കരയിൽ ബേക്കറി നടത്തുകയാണ്. അപകടത്തെത്തുടർന്ന് ഇയാളെ കോഴിക്കോടുള്ള സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്.

തോട്ടയാണോ, മറ്റെന്തെങ്കിലുമാണോ അപകടത്തിനിടയാക്കിയതെന്ന് പോലീസ് അന്വേഷിച്ച് വരികയാണ്. മാനന്തവാടി എസ്. ഐ കെ. കെ സോബിൻ്റെ നേതൃത്വത്തിലാണ് പോലീസ് അന്വേഷണം നടത്തുന്നത്.