ടി. ബിന്ദുരാജിനെ അനുസ്മരിച്ചു
കൊയിലാണ്ടി: കോൺഗ്രസ് നേതാവും നഗരസഭ സ്ഥിരം സമിതി ചെയർമാനുമായിരുന്ന ടി.ബിന്ദുരാജിനെ 9-ാം ചരമവാർഷികം ആചരിച്ചു. ദിനാചരണത്തോടനുബന്ധിച്ച് നോർത്ത് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ നടന്ന അനുസ്മരണ പരിപാടി കെ.പി.സി സി അംഗം പി.രത്നവല്ലി ഉദ്ഘാടനം ചെയ്തു. മണ്ഡലം പ്രസിഡണ്ട് രജീഷ് വെങ്ങളത്ത് കണ്ടി അദ്ധ്യക്ഷത വഹിച്ചു. ഡി.സി.സി ജനറൽ സെക്രട്ടറി രാജേഷ് കീഴരിയൂർ, ബ്ലോക്ക് പ്രസിഡണ്ട് മുരളീധരൻ തോറോത്ത്, വി.ടി. സുരേന്ദ്രൻ, വി.വി. സുധാകരൻ, നടേരി ഭാസ്ക്കരൻ, ഉണ്ണികൃഷ്ണൻ മരളൂർ, പി.കെ. പുരുഷോത്തമൻ, യു.കെ. രാജൻ, ജിഷ പുതിയെടുത്ത്, എം.പി ഷംനാസ് എന്നിവർ പ്രസംഗിച്ചു.
