ബാലസഭ കുട്ടികൾക്ക് വേണ്ടി പ്രശ്നോത്തരി സംഘടിപ്പിച്ചു

കൊയിലാണ്ടി നഗരസഭ കുടുംബശ്രീ സിഡിഎസ് ബാലസഭ കുട്ടികൾക്ക് വേണ്ടി പ്രശ്നോത്തരി സംഘടിപ്പിച്ചു. യുപി, ഹൈസ്കൂൾ എന്നീ വിഭാഗങ്ങളിൽ നിന്നുമായി 60 ഓളം കുട്ടികൾ പങ്കെടുത്തു. നഗരസഭ ചെയർപേഴ്സൺ സുധാ കിഴക്കേപാട്ട് പരിപാടി ഉദ്ഘാടനം ചെയ്തു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ ഷിജു അധ്യക്ഷനായ ചടങ്ങിൽ പങ്കെടുത്ത കുട്ടികൾക്ക് സമ്മാനദാനം നടത്തുകയും ചെയ്തു. 

വികസന കാര്യ സ്റ്റാന്ഡിങ് കമ്മിറ്റി ചെയർപേഴ്സൺ ഇന്ദിര ടീച്ചർ, മെമ്പർ സെക്രട്ടറി വി. രമിത, എം.എം. ചന്ദ്രൻ മാസ്റ്റർ എന്നിവർ ആശംസാ പ്സംഗം നടത്തി. സൗത്ത് സിഡിഎസ് ചെയർപേഴ്സൺ വിബിന. കെ.കെ.  സ്വാഗതവും നോർത്ത് സിഡിഎസ് ചെയർപേഴ്സൺ എം.പി. ഇന്ദുലേഖ നന്ദിയും പറഞ്ഞു.