സാമൂഹ്യ ഐക്യദാർഡ്യ പക്ഷാചരണത്തിൻ്റെ ഭാഗമായി ലഹരി വിരുദ്ധ ബോധവത്കരണ ക്ലാസ് നടത്തി
കൊയിലാണ്ടി നഗരസഭ പട്ടികജാതി വികസന ഓഫീസ് സാമൂഹ്യ ഐക്യദാർഡ്യ പക്ഷാചരണം 2025ന്റെ ഭാഗമായി ഗവ. ITI (SCDD) കുറുവങ്ങാട് വെച്ച് ലഹരി വിരുദ്ധ ബോധവത്കരണ ക്ലാസ് നടത്തി. നഗരസഭ ക്ഷേമകാര്യ സ്‌റ്റാന്റിംഗ് കമ്മറ്റി ചെയർമാൻ കെ. ഷിജു പരിപാടി ഉദ്ഘാടനം ചെയ്തു. നഗരസഭ പട്ടികജാതി വികസന ഓഫീസർ അനിത കുമാരി അദ്ധ്യക്ഷയായി.
പരിപാടിയിൽ കൊയിലാണ്ടി റെയ്ഞ്ച് വുമൺ എക്സൈസ് ഓഫീസർ അഖില കെ എം ക്ലാസ് എടുത്തു. വാർഡ് കൗൺസിലർ സി. സുധ പരിപാടിക്ക് ആശംസകൾ അറിയിച്ചു. ഐടിഐ പ്രിൻസിപ്പാൾ എൻ.കെ. മുരളി സ്വാഗതവും എസ് സി പ്രമോട്ടർ പ്രബിഷ നന്ദിയും പറഞ്ഞു.
