ചെറുവണ്ണൂർ സ്കൂളിൽ മോഷണം നടത്തി മുങ്ങിയ പ്രതി പതിനൊന്നു വർഷങ്ങൾക്ക് ശേഷം പിടിയിൽ
കോഴിക്കോട്: ചെറുവണ്ണൂർ സ്കൂളിൽ മോഷണം നടത്തി മുങ്ങിയ പ്രതി പതിനൊന്നു വർഷങ്ങൾക്ക് ശേഷം പിടിയിൽ. 2013 ൽ നല്ലളം ചെറുവണ്ണൂർ സ്കൂളിൻെറ ഓഫീസ് മുറി കുത്തിത്തുറന്ന് ലാപ് ടോപ്പ്, ക്യാമറ മുതലായവ കളവ് നടത്തി മുങ്ങിയ പ്രതിയെയാണ് നല്ലളം പോലീസ് പിടികൂടിയത്. മോഷണം നടന്ന സ്ഥലത്ത് നിന്നും പോലീസ് ശേഖരിച്ച വിരലടയാള രേഖകൾ പരിശോധിച്ചാണ് പ്രതിയെക്കുറിച്ച് സൂചന ലഭിച്ചത്.
മോഷണം നടത്തിയ ശേഷം ഒളിവിൽ കഴിഞ്ഞുവന്ന പ്രതി കഴിഞ്ഞ ദിവസം മണ്ണൂരിലുള്ള വീട്ടിലെത്തിയതായുള്ള രഹസ്യവിവരത്തെ തുടർന്ന് നടത്തിയ പരിശോധനയിലാണ് പിടികൂടിയത്. പ്രതി ഫറോക്ക് പോലീസ് സ്റ്റേഷനിൽ രജിസ്റ്റർ ചെയ്ത കവർച്ചാ കേസിലും പ്രതിയാണ്. ഫറോക്ക് എ.സി.പി. എ.എം. സിദ്ദീഖിന്റെ നേതൃത്വത്തിലുള്ള പ്രത്യേക അന്വേഷണ സംഘവും എസ്.ഐ.മാരായ അബ്ബാസ്, മനോജ്, എസ്.സി.പി.ഒ പ്രവീൺ എന്നിവരും ചേർന്നാണ് പിടികൂടിയത്.
