ലോക ആയുർവേദ ദിനത്തോടനുബന്ധിച്ച് സൗജന്യ ആയുർവേദ മെഡിക്കൽ ക്യാമ്പ് സംഘടിപ്പിച്ചു
ലോക ആയുർവേദ ദിനത്തോടനുബന്ധിച്ച് GMVHSS കൊയിലാണ്ടി VHSE വിഭാഗം NSS യൂണിറ്റിന്റെയും, ഭാരതീയ FC ചികിത്സാ വകുപ്പ്, ആയുഷ്പ്രൈമറി ഹെൽത്ത് സെന്റർ കൊയിലാണ്ടിയുടെയും ആഭിമുഖ്യത്തിൽ സൗജന്യ ആയുർവേദ മെഡിക്കൽ ക്യാമ്പ് നടത്തി.
.
.
കൊയിലാണ്ടിയിൽ നഗരസഭ ആരോഗ്യ സ്റ്റാന്റിംഗ് കമ്മിറ്റി ചെയർപെഴ്സൺ പ്രജില സി ക്യാമ്പ് ഉദ്ഘാടനം ചെയ്തു. ഗവ. മാപ്പിള വൊക്കേഷണൽ ഹയർ സെക്കണ്ടറി സ്കൂളിൽ നടന്ന ചടങ്ങിൽ പി.ടി.എ പ്രസിഡണ്ട് സത്താർ കെ.കെ അധ്യക്ഷതവഹിച്ചു. ആയുഷ് മെഡിക്കൽ ഓഫീസർ അഭിലാഷ് B G ആയുർവേദ ചികിത്സയുടെ പ്രാധാന്യത്തെ കുറിച്ച് സംസാരിച്ചു.
.
.
ഹയർ സെക്കണ്ടറി വിഭാഗം സീനിയർ അധ്യാപകൻ ഡോ. ഹാഷിം, പി ടിഎ എക്സിക്യുട്ടീവ് കമ്മിറ്റി അംഗങ്ങളായ മുനീർ, സബിത, ലായിഖ്, മണി, നാസർ, മദർ പി.ടി.എ അംഗം ജസലു എന്നിവർ സംസാരിച്ചു. VHSE സീനിയർ അധ്യാപിക ബീന എം. സ്വാഗതവും NSS പ്രോഗാം ഓഫീസർ ദിലീഷ്. കെ നന്ദിയും പറഞ്ഞു.
