കൊയിലാണ്ടിയിൽ ബാല പാർലമെൻ്റ് സംഘടിപ്പിച്ചു
വിദ്യാർത്ഥികളിൽ ജനാതിപത്യബോധവും നേതൃഗുണവും വളർത്തുക എന്ന ലക്ഷ്യത്തോടെ കൊയിലാണ്ടി നഗരസഭാ കുടുംബശ്രീ സംഘടിപ്പിച്ച ബാലപാർലമെന്റ് നഗരസഭ കൗൺസിൽഹാളിൽ നടന്നു. പരിശീലന പരിപാടികൾക്ക് ട്രെയിനർ അജിത്കുമാർ നേതൃത്വം നൽകി.
വിവിധ വാർഡുകളിൽനിന്നായി കുട്ടികൾ പങ്കെടുത്ത പരിപാടിയിൽ ബാലപാർലമെന്റ് സ്പീക്കറായി അമാന, പ്രധാനമന്ദ്രിയായി വിഘ്‌നേഷ്, കോർട് മാർഷൽ ആദിത്യ, പ്രസിഡണ്ട് ഫിസ പ്രതിപക്ഷനേതാവ് ആരാധ്യ എന്നിവർ ചുമതല വഹിച്ച് സഭാ നടപടികൾ നിയന്ദ്രിച്ചു.
സമാപന ചടങ്ങിൽ നഗരസഭാ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ ഷിജു മാസ്റ്റർ, മെമ്പർ സെക്രട്ടറി ടി.കെ ഷീബ, സിർിഎസ് ചെയർപേഴ്സൺ ഇന്ദുലേഖ, ജില്ലാമിഷൻ ബ്ലോക്ക്‌ കോർഡിനേറ്റർ രശ്മിശ്രീ ബാലസാഭ ആർ.പി.മാരായ ഗിരിജ കെ, ശ്രീകല എന്നിവർ പങ്കെടുത്തു.
