സുഷോയിലെ അപൂര്വ പെണ്ആമ വിടവാങ്ങി
ബെയ്ജിംഗ്: ഭൂമിയില് നിന്ന് ഒരു ജീവിവര്ഗം കൂടി യാത്രപറയാനൊരുങ്ങുന്നു. ലോകത്തിലെ അത്യപൂര്വ ഇനത്തില്പെട്ട ഭീമന് ആമ ചൈനയില് ചത്തു. യാംഗ്സേ ഭീമന് ആമ വര്ഗത്തില്പ്പെടുന്ന പെണ്ആമയാണ് ചത്തത്. ഈ ഇനത്തില് മൂന്നു ആമകള് കൂടി മാത്രമാണ് ഭൂമിയില് അവശേഷിക്കുന്നത്. ദക്ഷിണ ചൈനയിലെ സുഷോ മൃഗസംരക്ഷണ കേന്ദ്രത്തിലായിരുന്നു അവസാനകാലത്ത് ആമയുടെ താമസം. അപൂര്വ ഇനത്തില്പ്പെട്ട ആമ തൊണ്ണൂറാം വയസിലാണ് വിടവാങ്ങുന്നത്. മരിക്കുന്നതിനു 24 മണിക്കൂര് മുമ്ബ് ആമയില് കൃത്രിമബീജസങ്കലനത്തിനു ഗവേഷകര് ശ്രമിച്ചിരുന്നു.
എന്നാല് അഞ്ചു തവണ ശ്രമിച്ചിട്ടും നിരാശയായിരുന്നു ഫലം. യാംഗ്സേ ഇനത്തില്പ്പെട്ട നൂറു വയസുള്ള ആണ് ആമയെ സുഷോ മൃഗശാലയില് തനിച്ചാക്കിയാണ് പെണ്ആമ വിടവാങ്ങിയത്. ഇവയുടെ വംശം നിലനിര്ത്താന് ശക്തമായ ശ്രമങ്ങള് നടന്നുവരികയായിരുന്നു. എന്നാല് തലമുറ സൃഷ്ടിക്കാന് സാധിച്ചില്ല. അവശേഷിക്കുന്ന മറ്റു രണ്ടു ആമകള് വിയറ്റ്നാമിലാണുള്ളത്. അമിതമായ വേട്ടയും മത്സ്യബന്ധനവുമാണ് ഈ ജീവികളെ ഇല്ലാതാക്കുന്നതില് മുഖ്യ പങ്കു വഹിച്ചത്. ആമകളുടെ വാസസ്ഥലങ്ങള് നശിച്ചുപോയത് സൃഷ്ടിച്ച പ്രത്യാഘാതങ്ങളും വംശനാശത്തിന്റെ വക്കിലേക്കു ഇവയെ തള്ളിവിട്ടു.