പോളിയോ ദിനത്തിൽ വീഡിയോ വാൾ പ്രദർശനവുമായി റോട്ടറി സിഗ്നേച്ചർ കൊയിലാണ്ടി
.
കൊയിലാണ്ടി: ലോക പോളിയോ ദിനത്തോടനുബന്ധിച്ച് റോട്ടറി സിഗ്നേച്ചർ കൊയിലാണ്ടിയുടെ നേതൃത്വത്തിൽ വിപുലമായ ബോധവൽക്കരണ പരിപാടി സംഘടിപ്പിച്ചു. ഇതിന്റെ ഭാഗമായി കൊയിലാണ്ടി നഗരത്തിന്റെ വിവിധ ഭാഗങ്ങളിൽ പോളിയോ നിർമാർജനത്തിന്റെ പ്രാധാന്യവും പ്രതിരോധ പ്രവർത്തനങ്ങളുടെ ആവശ്യകതയും വ്യക്തമാക്കുന്ന വീഡിയോ വാൾ പ്രദർശനം നടത്തി.
.
.
നഗരത്തിന്റെ വിവിധ ഭാഗങ്ങളിലൂടെ സഞ്ചരിച്ച വീഡിയോ വാൾ പ്രദർശനം നിരവധി ആളുകളുടെ ശ്രദ്ധയാകർഷിച്ചു. പോളിയോ പ്രതിരോധത്തെക്കുറിച്ചുള്ള അവബോധം പൊതുജനങ്ങളിലേക്ക് എത്തിക്കുന്നതിനും പോളിയോ വിമുക്ത സമൂഹം കെട്ടിപ്പടുക്കുന്നതിന്റെ പ്രാധാന്യം വ്യക്തമാക്കുന്നതിനും പരിപാടി സഹായകമായി.
.
.
പരിപാടിയുടെ ഉദ്ഘാടനം അസിസ്റ്റന്റ് ഗവർണർ (എ.ജി) റൊട്ടേറിയൻ ജൈജു ആർ. ബാബു നിർവഹിച്ചു. റോട്ടറി സിഗ്നേച്ചർ കൊയിലാണ്ടി പ്രസിഡന്റ് റോട്ടേറിയൻ ശശി കെ.കെ. അധ്യക്ഷത വഹിച്ചു. റൊട്ടേറിയൻ സുഗതൻ സംസാരിച്ചു. ഡോ. പ്രശാന്ത് വിജി സ്വാഗതവും, റൊട്ടേറിയൻ ബാലതിലകൻ നന്ദിയും പറഞ്ഞു.
