പാചക വാതക ക്ഷാമം; കേന്ദ്ര സർക്കാർ നിലപാടിൽ പ്രതിഷേധം
.
പയ്യോളി: പശ്ചിമേഷ്യൻ സംഘർഷത്തെ തുടർന്നുണ്ടായ പാചക വാതക ക്ഷാമവും ഇന്ധന ക്ഷാമവും പരിഹരിക്കാൻ നടപടി എടുക്കാത്ത കേന്ദ്ര സർക്കാർ നിലപാടിൽ പയ്യോളി മണ്ഡലം കോൺഗ്രസ് കമ്മിറ്റി പ്രതിഷേധിച്ചു. പാചക വാതക ലഭ്യതയുടെ കുറവ് വരും നാളുകളിൽ സാധാരണക്കാരന്റെ ജീവിതത്തെ പ്രതിസന്ധിയിലേക്ക് തള്ളിവിടുന്ന സാഹചര്യത്തിൽ ഉടൻ പ്രശ്ന പരിഹാരത്തിനു കേന്ദ്രസർക്കാർ തയ്യാറാകണമെന്ന് യോഗം ആവശ്യപ്പെട്ടു.
പ്രസിഡണ്ട് പി എം അഷ്റഫ് അദ്ധ്യക്ഷത വഹിച്ചു. ബ്ലോക്ക് ജനറൽ സെക്രട്ടറി മഹേഷ് കോമത്ത്, കാര്യാട്ട് ഗോപാലൻ, കുറുമണ്ണിൽ രവീന്ദ്രൻ, പ്രജീഷ് കുട്ടമ്പള്ളി, ശശി കീഴങ്ങോട്ട്, ഷനോജ് എൻ എം, ഇ കെ ബിജു എന്നിവർ സംസാരിച്ചു.
