പെരുവണ്ണാമൂഴി ടൂറിസം ഫെസ്റ്റിന് തുടക്കം. മന്ത്രി റോഷി അഗസ്റ്റിൻ ഉദ്ഘാടനം ചെയ്തു

പേരാമ്പ്ര: പെരുവണ്ണാമൂഴി ടൂറിസം ഫെസ്റ്റിന് തുടക്കം. മന്ത്രി റോഷി അഗസ്റ്റിൻ ഉദ്ഘാടനം ചെയ്തു. ഇറിഗേഷൻ ടൂറിസം പദ്ധതി നടപ്പാക്കാനുള്ള നടപടികൾ സംസ്ഥാന സർക്കാർ സ്വീകരിച്ച് വരികയാണെന്ന് ഉദ്ഘാടനം നിർവഹിച്ച് സംസാരിക്കുവെ മന്ത്രി പറഞ്ഞു. ചടങ്ങിൽ ടി.പി രാമകൃഷ്ണൻ എം.എൽ.എ അധ്യക്ഷത വഹിച്ചു.

ത്രിതല പഞ്ചായത്തുകൾ, സഹകരണ സ്ഥാപനങ്ങൾ എന്നിവയുമായി സഹകരിച്ച് ബിഒടി അടിസ്ഥാനത്തിലും പെട്ടെന്ന് നടപ്പിലാക്കാൻ കഴിയുന്ന ചെറുതും വലുതുമായ പദ്ധതികൾ വിഭാവനം ചെയ്യുമെന്നും മന്ത്രി പറഞ്ഞു. കേരളത്തിലെ എല്ലാ വീടുകളിലും വെള്ളമെത്തിക്കുക എന്നതാണ് സർക്കാർ ലക്ഷ്യമെന്നും, കേന്ദ്ര സംസ്ഥാന സർക്കാരുകളുടെ കൂട്ടായ പദ്ധതിയായ ജൽ ജീവൻ മിഷനിലൂടെ 70,85,000 കുടുംബങ്ങൾക്കും പൈപ്പ് വെള്ളമെത്തിക്കുന്നതിൻ്റെ പ്രവൃത്തികൾ പുരോഗമിക്കുന്നുണ്ടെന്നും, 40 ലക്ഷം കുടുംബങ്ങൾക്ക് കണക്ഷൻ നൽകി കഴിഞ്ഞുവെന്നും മന്ത്രി അറിയിച്ചു.