കീഴരിയൂർ-പൊടിയാടി, നടക്കൽ – മുറിനടക്കൽ പാലങ്ങൾ നാടിന് സമർപ്പിച്ചു
കീഴരിയൂർ – പൊടിയാടി, നടക്കൽ – മുറിനടക്കൽ പാലങ്ങൾ നാടിന് സമർപ്പിച്ചു. പൊതുമരാമത്ത് ടൂറിസം വകുപ്പ് മന്ത്രി പി എ മുഹമ്മദ് റിയാസ് ഇരു പാലങ്ങശുടെയും ഉദ്ഘാടനം നിർവ്വഹിച്ചു. കേരളത്തിൽ നിലവിലെ സർക്കാർ അധികാാരത്തിലെത്തിയതിന് ശേഷം 89 പാലങ്ങളുടെ നിർമ്മാണം പൂർത്തീകരിച്ചതായി മന്ത്രി വ്യക്തമാക്കി. കീഴരിയൂർ – തുറയൂർ പഞ്ചായത്തുകളെ ബന്ധിപ്പിക്കുന്ന കീഴരിയൂർ-പൊടിയാടി പാലവും, തുറയൂർ റോഡിൽ നിർമ്മിച്ച നടക്കൽ – മുറിനടക്കൽ പാലങ്ങളുടെയും ഉദ്ഘാടനം നിർവഹിച്ച് സംസാരിക്കുകായിയിരുന്നു അദ്ധേഹം.
അഞ്ച് വർഷത്തിനുള്ളിൽ നൂറ് പാലങ്ങൾ എന്നതായിരുന്നു സർക്കാർ ലക്ഷ്യം. ഇപ്പോൾ തന്നെ 89 പാലങ്ങളുടെ നിർമ്മാണം പൂർത്തിയായി. അധികം വെെകാതെ തന്നെ ഈ ലക്ഷ്യം സാക്ഷാത്ക്കരിക്കുന്ന നിലയിലാണ് കാര്യങ്ങൾ മുന്നോട്ട് പോകുന്നതെന്നും മന്ത്രി പറഞ്ഞു. ടൂറിസത്തിന് അനന്ത സാധ്യതകളുള്ള സ്ഥലമാണ് കീഴരിയൂർ-പൊടിയാടി- തുറയൂർ റോഡ് കടന്നുപോകുന്ന പ്രദേശം. അതിനാൽ ടൂറിസത്തിന്റെ സാധ്യതകൾ എന്തെല്ലാെം, ഇവിടെ എന്തൊക്കെ ചെയ്യാൻ സാധിക്കും എന്നിവ മനസിലാക്കുന്നതിനായി ഒരു പഠനം നടത്താനും ഇതിനാായി ഒരു ഉദ്യോഗസ്ഥനെ നിയോഗിച്ചതായും മന്ത്രി പറഞ്ഞു.
Advertisements
ചടങ്ങിൽ ടി പി രാമകൃഷ്ണൻ എംഎൽഎ അധ്യക്ഷത വഹിച്ചു. കെ മുരളീധരൻ എം പി മുഖ്യാതിഥിയായി. ജില്ലാ പഞ്ചായത്തംഗങ്ങളായ എം പി ശിവാനന്ദൻ, ദുൽഖിഫിൽ, പഞ്ചായത്ത് പ്രസിഡന്റുമാരായ കെ കെ നിർമ്മല, സി കെ ഗിരീഷ്, വെെസ് പ്രസിഡന്റുമാരായ ശ്രീജ മാവുള്ളാട്ടിൽ, എൻ. എം സുനിൽകുമാർ, മേലടി ബ്ലോക്ക് പഞ്ചായത്ത് സ്ഥിരംസമിതി അധ്യക്ഷന്മാരായ എം എം രവീന്ദ്രൻ, ലീന പുതിയോട്ടിൽ, പ‍ഞ്ചായത്തംഗങ്ങൾ, വിവിധ രാഷ്ട്രീയ പാർട്ടി പ്രതിനിധികൾ എന്നിവർ സംസാരിച്ചു. പൊതുമരാമത്ത് പാലങ്ങലുടെ വിഭാഗം എക്സിക്യൂട്ടീവ് എഞ്ചിനീയർ സി എസ് അഭിജിത്ത് സ്വാഗതവും പാലങ്ങളുടെ ഉപേതര വിഭാഗം അസിസ്റ്റന്റ് എഞ്ചിനീയർ പി കെ രബീഷ് കുമാർ നന്ദിയും പറഞ്ഞു.
കോരപ്ര- പൊടിയാടി റോഡിൽ എട്ട് കോടി ചെലവിലാണ് നടക്കൽ, മുറിനടക്കൽ പാലങ്ങൾ നിർമ്മിച്ചത്. ഇരുപാലങ്ങളിലും ക്യാരേജ് വേയ്ക്ക് പുറമേ ഇരുവശത്തും നടപ്പാതയും ഒരുക്കിയിട്ടുണ്ട്. ഇരു പാലങ്ങളോടും ചേർന്ന് അനുബന്ധ റോഡും നിർമ്മിച്ചിട്ടുണ്ട്.
