ഫുട്ബോള്‍ മത്സരത്തിനിടെ ചാവേര്‍ ആക്രമo 29 പേര്‍ കൊല്ലപ്പെട്ടു
ബാഗ്ദാദ്> ഇറാക്കില്‍ ഫുട്ബോള്‍ മത്സരത്തിനിടെ ഐ എസ് നടത്തിയ ചാവേര്‍ ആക്രമണത്തില്‍ 29 പേര്‍ കൊല്ലപ്പെട്ടു. തലസ്ഥാനമായ ബാഗ്ദാദിന് 25 മൈല്‍ അകലെയുള്ള ഇസ്കന്ദ്രിയ നഗരത്തിലാണ് സംഭവം. തെണ്ണൂറോളം പേര്‍ക്കുപരിക്കേറ്റു. പലരുടേയും നിലഗുരുതരമാണ്. അതിനാല്‍ മരണ സംഖ്യ ഇനിയുമുയേര്‍ന്നേക്കാം.
ജയിച്ചവര്‍ക്കുള്ള ട്രോഫി വിതരണം ചെയ്യുന്നതിനിടെ ജനക്കൂട്ടത്തിന് നടുവില്‍ വെച്ച് ചാവേര്‍ പൊട്ടിത്തെറിക്കുകയായിരുന്നെന്ന് പൊലീസ് അറിയിച്ചു.പ്രദേശിക സമയം വെള്ളിയാഴ്ച വൈകുന്നേരമാണ് ചാവേര്‍ സ്ഫോടനം നടന്നത്. മേയര്‍ അഹമ്മദ് അല്‍ ഖഫാജി, ഷിയ നേതാവ് ഹസൌന്‍ ഹുസൈന്‍ എന്നിവര്‍ക്കും ആക്രമണത്തില്‍ പരിക്കേറ്റു. ഇതിനിടെ സ്ഫോടനങ്ങളുടെ ഉത്തരവാദിത്തം ഐഎസ് ഏറ്റെടുക്കുകയായിരുന്നു.
