സ്വര്‍ണവില വീണ്ടും സര്‍വകാല റെക്കോര്‍ഡില്‍
തിരുവനന്തപുരം: സംസ്ഥാനത്തെ സ്വര്‍ണവില വീണ്ടും സര്‍വകാല റെക്കോര്‍ഡില്‍. ഇന്ന് പവന് 200 രൂപ കൂടി. ഇതോടെ ഒരു പവന് സ്വര്‍ണത്തിന് 26,120 രൂപയായി. ചരിത്രത്തിലാദ്യമായാണ് സ്വര്‍ണ വില 26,000 രൂപ കടക്കുന്നത്. സ്വര്‍ണം ഗ്രാമിന് 25 രൂപ കൂടി 3,210 രൂപയുമായി.
ഇന്നലെയും സ്വര്‍ണ വിലയില്‍ വര്‍ധനവ് രേഖപ്പെടുത്തിയിരുന്നു. പവന് 25,920 രൂപയും ഗ്രാമിന് 3240 രൂപയുമായിരുന്നു ഇന്നലത്തെ നിരക്ക്. ജൂലൈ മാസത്തില്‍ മാത്രം പവന് 1,200 രൂപ വര്‍ധിച്ചു.
അന്താരാഷ്ട്ര വിപണിയിലും സ്വര്‍ണ വിലയില്‍ വന്‍ വര്‍ധനവാണ് രേഖപ്പെടുത്തിയത്. അന്താരാഷ്ട്ര വിപണിയില്‍ ട്രോയ് ഔണ്‍സിന് (31.1 ഗ്രാം) 1,443 ഡോളറാണ് ഇന്നത്തെ നിരക്ക്.
യുഎസ്- ചൈന വ്യാപാരയുദ്ധം അമേരിക്കന്‍ സമ്ബദ് വ്യവസ്ഥയെ ബാധിക്കാനിടയുണ്ടെന്ന നിരീക്ഷണത്തെ തുടര്‍ന്ന് അമേരിക്കയുടെ കേന്ദ്ര ബാങ്കായ ഫെഡറല്‍ റിസര്‍വ് പലിശ നിരക്കുകളില്‍ മാറ്റം വരുത്തുമെന്ന സൂചനകളെ തുടര്‍ന്നാണ് സ്വര്‍ണവില റെക്കോര്‍ഡ് നേട്ടത്തിലേക്കുയര്‍ന്നത്.
