എക്സൈസ് സ്പെഷ്യൽ സ്ക്വാഡ് റെയ്ഡിൽ കൊയിലാണ്ടി ഭാഗത്ത് നിന്നും 100 ലിറ്റർ വാഷ് കണ്ടെടുത്തു
കൊയിലാണ്ടി. കോഴിക്കോട് എക്സൈസ് എൻഫോഴ്സ്മെന്റ് & ആന്റി നർക്കോട്ടിക് സ്പെഷൽ സ്ക്വാഡ് റെയ്ഡിൽ പന്തലായനി കോട്ടക്കുന്ന് ഭാഗത്ത്, കുറ്റി കാടുകൾകിടയിൽ നിന്നും ആളില്ലാത്ത നിലയിൽ സൂക്ഷിച്ച 100 ലിറ്റർ വാഷാണ് കണ്ടെടുത്തത്. പ്രിവന്റീവ് ഓഫീസർ ബിജു മോന്റെ നേതൃത്വത്തിൽ നടത്തിയ തിരച്ചിലിലാണ് വ്യാജവാറ്റ് നിർമാണത്തിനുള്ള ശ്രമം ഇല്ലാതാക്കിയത്.
കേസ് കൊയിലാണ്ടി എക്സൈസ് റെയ്ഞ്ച് ഓഫീസിൽ രജിസ്റ്റർ ചെയ്തു. കോഴിക്കോട് ജില്ലയുടെ വിവിധ ഭാഗങ്ങളിൽ സ്പെഷൽ സ്ക്വാഡ് സർക്കിൾ ഇൻസ്പെക്ടർ സജിത്കുമാറിന്റെ നേതൃത്വത്തിൽ സ്പെഷൽ സ്ക്വാഡ് ഉദ്യോഗസ്ഥർ ലോക്ക് ഡൗണിനെ തുടർന്നുണ്ടായ സാഹചര്യത്തിൽ ശക്തമായ പ്രവർത്തനങ്ങളാണ് നടത്തി വരുന്നത്. ഇക്കാലയളവിൽ മുപ്പത്തി അഞ്ചോളം കേസിൽ നിന്നും ആറായിരത്തോളം ലിറ്റർ വാഷ് കണ്ടെടുത്തിട്ടുണ്ട്. എക്സൈസ് പാർട്ടിയിൽ സിവിൽ എക്സൈസ് ഓഫീസർമാരായ അജിത്ത്, ഷിബു, റനീഷ് . എന്നിവർ പങ്കെടുത്തു.
