സെക്രട്ടറിയേറ്റിലെ തീപിടിത്തം: വിദഗ്ധ സംഘം തെളിവെടുപ്പ് തുടങ്ങി
തിരുവനന്തപുരം: സെക്രട്ടറിയേറ്റിലെ തീപിടിത്തത്തെ കുറിച്ച്‌ പ്രത്യേക സംഘം തെളിവെടുപ്പ് തുടങ്ങി.സ്പെഷ്യല്‍ സെല്‍ എസ്. പി. അജിത്തിൻ്റെ നേതൃത്വത്തിലാണ് പരിശോധന. ഫൊനറന്‍സിക് സംഘവും ഒപ്പമുണ്ട്. ഉദ്യോഗസ്ഥ സംഘവും പൊലീസും ഉടന്‍ റിപ്പോര്‍ട്ട് നല്‍കും.
എഡിജിപി മനോജ് എബ്രഹാമിന്റെ മേല്‍നോട്ടത്തില്‍ പ്രത്യേകഅന്വേഷണ സംഘത്തെ ഇന്നലെതന്നെ സര്‍ക്കാര്‍ നിയോഗിച്ചിരുന്നു. ഹെഡ്ക്വട്ടേഴ്സ് ഐജി പി വിജയന്‍ ദൈനംദിന മേല്‍നോട്ടം വഹിക്കും. തിപിടിത്തത്തിന്റെ സാങ്കേതിക കാരണങ്ങള്‍ അന്വേഷിച്ച്‌ റിപ്പോര്‍ട്ട് നല്‍കാന്‍ ഡിസാസ്റ്റര്‍ മാനേജ്മെന്‍റ് കമ്മീഷണര്‍ ഡോ.കൗശികിന്റെ നേതൃത്വത്തിലുള്ള സംഘത്തേയും നിയോഗിച്ചിട്ടുണ്ട്. സെക്രട്ടറിയറ്റ് കെട്ടിടങ്ങളുടെ ചുമതലയുള്ള പൊതുമരാമത്ത് വകുപ്പ് കെട്ടിടവിഭാഗം ചീഫ് എഞ്ചിനീയറോട് മന്ത്രി ജി സുധാകരന്‍ റിപ്പോര്‍ട്ട് ആവശ്യപ്പെട്ടിട്ടുണ്ട്.
