ഡാന്‍സ് ബാറുകള്‍ക്ക് അനുമതി നല്‍കി സുപ്രീംകോടതി; അനുമതി കര്‍ശന ഉപാധികളോടെ
മുംബൈ: മുംബൈയിലെ ഡാന്‍സ് ബാറുകള്‍ ഇനി തുറന്ന് പ്രവര്‍ത്തിക്കും. ബാറുകള്‍ തുറക്കാന്‍ കര്‍ശന ഉപാധികളോടെയാണ് സുപ്രീം കോടതി അനുമതി നല്‍തിയത്. ഹോട്ടലുടമകളും നര്‍ത്തകികളും നല്‍കിയ ഹര്‍ജിയിലാണ് സുപ്രീംകോടതി 2016 ലെ വിധിയില്‍ ഭേദഗതി വരുത്തിയത്.
കര്‍ശന നിയന്ത്രണങ്ങളോടെ വേണം ഡാന്‍സ് ബാറുകള്‍ പ്രവര്‍ത്തിക്കാന്‍. ഡാന്‍സ് ബാറുകള്‍ വൈകിട്ട് ആറ് മുതല്‍ രാത്രി 11.30 വരെ മാത്രമേ പ്രവര്‍ത്തിക്കാ്ന്‍ പാടുള്ളൂ. കാണികള്‍ക്ക് നര്‍ത്തികമാര്‍ക്ക് നോട്ടുകള്‍ നല്‍കാം, പക്ഷെ നാണയങ്ങളും നോട്ടുകളും നര്‍ത്തകിമാരുടെ ദേഹത്ത് എറിയുന്നതിന് വിലക്കുണ്ട്.
മാത്രമല്ലാ, ആരാധനാലയങ്ങള്‍, വിദ്യാലയങ്ങള്‍ എന്നിവയില്‍ നിന്ന് ഒരു കിലോമീറ്റര്‍ അകലെയായിരിക്കണം ഡാന്‍ത് ബാറുകള്‍ എന്നും കോടതി നിര്‍ദ്ദേശം നല്‍കിയിട്ടുണ്ട്. നിബന്ധനകള്‍ പാലിക്കുന്നുണ്ടോയെന്ന് മഹാരാഷട്ര സര്‍ക്കാര്‍ ഉറപ്പുവരുത്തണമെന്നും കോടതി നിര്‍ദ്ദേശിച്ചു.
സുപ്രീംകോടതി ജസ്റ്റിസുമാരായ എ.കെ സിക്രി, അശോക് ഭൂഷണ്‍, എസ്.എ നസീര്‍ എന്നിവരടങ്ങിയ ബഞ്ചാണ് വിധി പ്രസ്താവിച്ചത്. 2016 ല്‍ മഹാരാഷ്ട്ര സര്‍ക്കാരിന്റെ ഡാന്‍സ് ബാറുകള്‍ നിരോധിച്ചു കൊണ്ടുള്ള ഉത്തരവ് സുപ്രീംകോടതി റദ്ദാക്കിയിരുന്നു. സ്ത്രീകള്‍ തെരുവില്‍ ഭിക്ഷയെടുക്കുന്നതിനേക്കാള്‍ ഭേദം ബാറുകളില്‍ നൃത്തം ചെയ്യുന്നതാണെന്നായിരുന്നു സുപ്രംകോടതിയുടെ അന്നത്തെ പരാമര്‍ശം.
