ഗുജറാത്തിലെ ജുനഗഡില്‍ നീലകാളയെ വിഴുങ്ങിയ പെരുമ്പാമ്പ്‌ ചത്തു
https://youtu.be/Qa8K99Ti048
ജുനഗഡ്: ഗുജറാത്തിലെ ജുനഗഡില്‍ നീല്‍ഗായി (നീല കാള)യെ വിഴുങ്ങിയ ഇരുപത് അടി നീളമുള്ള പെരുമ്പാമ്പ്‌
ചത്തു. ഗിര്‍ വന്യജീവി സങ്കേതത്തിന് അടുത്തുള്ള ബലിയാവാദ് ഗ്രാമത്തിലാണ് സംഭവം നടന്നത്. ഒരു കര്‍ഷകന്‍ വന്യജീവി സങ്കേതത്തിലെ അധികൃതരെ വിവരം അറിയിച്ചതിനെ തുടര്‍ന്ന് അധികൃതര്‍ എത്തിയപ്പോഴേക്കും മൃഗത്തിനെ പെരുമ്പാമ്പ്‌മുഴുവനായും അകത്താക്കിയിരുന്നു. തുടര്‍ന്ന് അവര്‍ പാമ്പിനെ പിടികൂടി കൂട്ടിലാക്കി നിരീക്ഷിച്ചു വരികയായിരുന്നു. ഭക്ഷണം പൂര്‍ണമായി ദഹിച്ചതിനു ശേഷം അതിനെ പുറത്തുവിടുമെന്നാണ് അറിച്ചിരുന്നത്.
എന്നാല്‍ തന്നെക്കാള്‍ വലിയ മൃഗത്തെ അകത്താക്കാന്‍ നോക്കിയ പെരുമ്പാമ്പി
ന് സ്വന്തം ജീവന്‍ തന്നെ വിലകൊടുക്കേണ്ടി വന്നിരിക്കുകയാണ്.നീലക്കാളയെ വിഴുങ്ങിയതിനെ തുടര്‍ന്ന് പെരുമ്പാമ്പിന്റെ വയര്‍ അസാധാരണമായ നിലയില്‍ വീര്‍ത്തിരുന്നു. തുടര്‍ന്ന് ദഹനം നടക്കാന്‍ ബുദ്ധിമുട്ടുണ്ടായി. എന്നാല്‍ നീലക്കാളയെ വിഴുങ്ങിയതിനെ തുടര്‍ന്ന് ശരീരത്തിനകത്ത് ഉണ്ടായ മുറിവുകള്‍ കാരണമാണ് പാ മ്പ്‌ ചത്തതെന്ന് അധികൃതര്‍ വ്യക്തമാക്കി.
