കുട്ടികളുടെ നഗ്‌ന ചിത്രങ്ങള്‍ പ്രസിദ്ധീകരിച്ച അശ്ലീല സൈറ്റുകള്‍ പൂട്ടിച്ചതായി കേന്ദ്ര സര്‍ക്കാര്‍
ഡല്‍ഹി: കുട്ടികളുടെ നഗ്‌ന ചിത്രങ്ങള്‍ പ്രസിദ്ധീകരിച്ചതിനെ തുടര്‍ന്ന് 3000 അശ്ലീല സൈറ്റുകള്‍ പൂട്ടിച്ചതായി കേന്ദ്ര സര്‍ക്കാര്‍ അറിയിച്ചു. രാജ്യത്തിനു പുറത്തുനിന്നുള്ള സൈറ്റുകളാണ് ഇവയിലേറെയും എന്ന് വാര്‍ത്താ വിനിമയ സാങ്കേതിക മന്ത്രാലയം വ്യക്തമാക്കി.
പാര്‍ലമെന്റിലെ ചോദ്യോത്തര വേളയില്‍ സര്‍ക്കാര്‍ സംഭവം അറിയിക്കുകയായിരുന്നു. സ്ത്രീകളെയും കുട്ടികളെയും സമൂഹ മാധ്യമങ്ങളില്‍ അപകീര്‍ത്തിപ്പെടുത്തുന്നത് സംബന്ധിച്ച് പഠനമൊന്നും നടന്നിട്ടില്ലെന്നും ഇത്തരം കുറ്റകൃത്യങ്ങള്‍ തടയുന്നതിന് പദ്ധതി തയാറാക്കി വരികയാണെന്നും സര്‍ക്കാര്‍ വ്യക്തമാക്കി.
