കാണ്പൂരില് ബഹുനില കെട്ടിടം തകര്ന്നു വീണ് അഞ്ചു പേര് മരിച്ചു
കാണ്പൂര്: ഉത്തര്പ്രദേശിലെ കാണ്പൂരില് ബഹുനില കെട്ടിടം തകര്ന്നു വീണ് അഞ്ചു പേര് മരിച്ചു. 25 പേര് ഇപ്പോഴും കെട്ടിടത്തിനുള്ളില് കുടുങ്ങിക്കിടക്കുകയാണ്. ഇന്നലെ വൈകിട്ടാണ് കെട്ടിടം തകര്ന്നുവീണത്. അവശിഷ്ടങ്ങള്ക്കിടയില് നിന്ന് മൂന്നു വയസ്സുള്ള കുട്ടിയെ രക്ഷാപ്രവര്ത്തകര് 12 മണിക്കൂറിനു ശേഷം രക്ഷപ്പെടുത്തി. അഞ്ചാം നിലയില് അകപ്പെട്ട് കിടന്ന പെണ്കുട്ടിയാണ് അത്ഭുതകരമായി രക്ഷപ്പെട്ടത്.
സമാജ്വാദി പാര്ട്ടിയിലെ പ്രദേശിക നേതാവ് മെഹ്താബ് ആലമിന്റെ ഉടമസ്ഥതയിലുള്ള കെട്ടിടമായിരുന്നു ഇത്. അപകടത്തെ തുടര്ന്ന് ഉടമയും കുടുംബവും ഒളിവിലാണ്. കാണ്പൂരിലെ ജജ്മൗവിലാണ് ആറു നില കെട്ടിടം ഇന്നലെ തകര്ന്നുവീണത്.
വാരണസിയില് നിന്നും കാണ്പൂരില് നിന്നുമെത്തിയ ദേശീയ ദുരന്ത നിവാരണ സേനയുടെ നേതൃത്വത്തിലാണ് രക്ഷാപ്രവര്ത്തനം പുരോഗമിക്കുന്നത്. കാമറകളുടെ സഹായത്തോടെ കെട്ടിടത്തിനുള്ളില് കുടുങ്ങിക്കിടക്കുന്നവരെ കണ്ടെത്താനുള്ള ശ്രമവും നടത്തുന്നുണ്ട്.