എറണാകുളത്തുളള സ്വകാര്യ ലോഡ്ജില്‍ അമ്മയും മക്കളും മരിച്ച നിലയില്‍
കൊച്ചി: എറണാകുളം സൗത്ത് റെയില്‍വേ സ്റ്റേഷന് സമീപമുള്ള സ്വകാര്യ ലോഡ്ജില്‍ അമ്മയും രണ്ട് മക്കളും മരിച്ച നിലയില്‍. പി. രാധാമണി (64), ആര്‍. സുരേഷ് കുമാര്‍ (43), ആര്‍. സന്തോഷ് കുമാര്‍ (40) എന്നിവരെയാണ് ശനിയാഴ്ച രാവിലെ മരിച്ച നിലയില്‍ കണ്ടെത്തിയത്. ബംഗളൂരുവില്‍ താമസിക്കുന്ന മലയാളികളാണ് ഇവര്‍.
ഇവര്‍ വിഷം കഴിച്ച്‌ മരിച്ചതായാണ് സംശയിക്കുന്നത്. ഇവരെ രണ്ട് ദിവസമായി പുറത്ത് കാണാത്തതിനെ തുടര്‍ന്ന് ലോഡ്ജ് ജീവനക്കാര്‍ പോലീസില്‍ അറിയിക്കുകയായിരുന്നു. തുടര്‍ന്ന് ഡൂപ്ലിക്കേറ്റ് താക്കോല്‍ ഉപയോഗിച്ച്‌ മുറി തുറന്നപ്പോഴാണ് മൂവരെയും മരിച്ച നിലയില്‍ കണ്ടത്.
