ഇ​ടി​മി​ന്ന​ലേ​റ്റ് യു​വ​തി​ക്ക് ഗു​രു​ത​ര പ​രി​ക്ക്

കോ​ത​മം​ഗ​ലം: ഇ​ടി​മി​ന്ന​ലേ​റ്റ് യു​വ​തി​ക്ക് ഗു​രു​ത​ര പ​രി​ക്ക്. ഒ​രു വീട് ഭാ​ഗി​ക​മാ​യി ത​ക​ർ​ന്നു. കോ​ഴി​പ്പി​ള​ളി പാ​റ​യ്ക്ക​ൽ ചാ​ക്കോ​യു​ടെ മ​ക​ൻ ജോ​ബി​ൻ​സി​ന്‍റെ ഭാ​ര്യ ജി​ഷ (32)യ്ക്കാണ് ​​പ​രി​ക്കേ​റ്റത്. ഇവർ ആ​ലു​വ രാ​ജ​ഗി​രി ആ​ശു​പ​ത്രി​യി​ൽ തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ചി​കി​ൽ​സ​യി​ലാ​ണ്.​

രാത്രി ഏഴോടെ മ​ഴ​യ്ക്ക് മു​ൻ​പു​ണ്ടാ​യ ക​ന​ത്ത ഇ​ടി​മി​ന്ന​ലി​ലാ​ണ് അ​പ​ക​ടം. വീ​ടി​നോ​ട് ചേ​ർ​ന്നു​ള്ള കു​ളി​മു​റി​യി​ലാ​യി​രു​ന്ന ജി​ഷ​യ്ക്ക് മി​ന്ന​ലി​ന്‍റെ ആഘാ​ത​ത്തി​ൽ കൈ​ക്ക് പൊ​ള്ള​ലും ത​ല​ക്ക് ക്ഷ​ത​വും സംഭവിച്ചു. ശ​ബ്ദം കേ​ട്ട് വീട്ടുകാ​ർ ഓ​ടി​യെ​ത്തു​മ്പോ​ൾ ജി​ഷ അ​ബോ​ധാ​വ​സ്ഥ​യി​ലാ​യി​രു​ന്നു. ഉ​ട​ൻ ത​ന്നെ കോ​ത​മം​ഗ​ല​ത്തെ സ്വ​കാ​ര്യ അ​ശു​പ​ത്രി​യി​ൽ പ്ര​വേ​ശി​പ്പി​ച്ചെ​ങ്കി​ലും വി​ദ​ഗ്ധ ചി​കി​ൽ​സ​ക്കാ​യി രാ​ജ​ഗി​രി ആ​ശു​പ​ത്രി​യി​ലേ​ക്ക് മാ​റ്റു​ക​യാ​യി​രു​ന്നു.

ഇ​വ​രു​ടെ വീ​ടി​ന് തൊ​ട്ടു ചേ​ർ​ന്നു​ള്ള ച​മ്മ​ട്ടി മോ​ളേ​ൽ സ​ജി സ​ണ്ണി​യു​ടെ വീ​ട് ഇ​ടി​മി​ന്ന​ലി​ൽ ത​ക​ർ​ന്നു. ഇ​ല​ക്ട്രോണിക്സ് ഉ​പ​ക​ര​ണ​ങ്ങ​ളും വൈദ്യുതി മീറ്ററും ഉ​ൾ​പ്പെ​ടെ പൊ​ട്ടി​തെ​റി​ച്ചു. ഓ​ട് മേ​ഞ്ഞ വീ​ടിന്‍റെ മേ​ൽ​ക്കൂ​ര ഏ​ക​ദേ​ശം പൂ​ർ​ണ്ണ​മാ​യി തകർന്നു. ജ​ന​ൽ ഗ്ലാ​സുകൾ ത​ക​ർ​ന്ന് വീ​ണു.​ ​വീ​ടി​ന്‍റെ ഭി​ത്തി​ക​ൾ​ക്കും വി​ള്ള​ൽ വീ​ണി​ട്ടു​ണ്ട്.

Advertisements

മി​ന്ന​ലി​ന് പിന്നാലെ വീ​ടി​നു​ള്ളി​ൽ തീഗോ​ള​വും പു​ക​യും ഉയർന്നതിനാൽ വീ​ട്ടു​കാ​ർ ഭ​യ​ന്ന് വി​റ​ച്ചു. ഭാഗ്യം കൊണ്ടാണ് ആർക്കും പരിക്കേൽക്കാതിരുന്നത്. വീ​ടി​നോ​ട് ചേ​ർ​ന്നു​ള്ള ബാ​ത്ത് റൂ​മും ത​ക​ർ​ന്നു. വീടി​ന് സ​മീ​പ​ത്ത് നി​ന്നി​രു​ന്ന       തേ​ക്ക് മ​രത്തിനാണ് മിന്നലേറ്റത്.