സി.പി.എം ജില്ലാ കമ്മിറ്റി അംഗത്തിന്റെ വീടിന് നേരെ ബോംബേറ്
കോഴിക്കോട്: കോഴിക്കോട് ജില്ലയിലെ രാഷ്ട്രീയ സംഘ‌ർഷങ്ങൾ അവസാനിക്കുന്നില്ലെന്ന് വ്യക്തമാക്കി സി.പി.എം ജില്ലാ കമ്മിറ്റി അംഗത്തിന്റെ വീടിന് നേരെ ബോംബേറ്. കോഴിക്കോട് കുറ്റ്യാടിയിൽ സി.പി.എം നേതാവ് കെ.കെ ദിനേശന്റെ വീടിന് നേരെയാണ് ആക്രമണമുണ്ടായത്. കർഷകസംഘം ജില്ലാ സെക്രട്ടറി കൂടിയാണ് ദിനേശൻ.
രണ്ട് ബോംബുകളാണ് വീടിനു നേരെ എറിഞ്ഞത്. ആക്രമണത്തിൽ വീടിന്റെ വാതിലും ജനൽച്ചില്ലുകൾ തകർന്നു. ദിനേശന്റെ പരാതിയെ തുടർന്ന് പൊലീസ് കേസെടുത്ത് അന്വേഷണം ആരംഭിച്ചു. കഴിഞ്ഞ ആഴ്‌ച സി.പി.എം ജില്ലാ സെക്രട്ടറിയ്‌ക്ക് നേരെയും ബോംബാക്രമണമുണ്ടായിരുന്നു.
