ശ്‌മശാനത്തില്‍ നിന്നും പാതി വെന്ത മൃതദേഹം ഭക്ഷിച്ച യുവാവ് പിടിയില്‍
തിരുനെല്‍വേലി: അര്‍ധരാത്രിയില്‍ ശ്‌മശാനത്തില്‍ നിന്നും പാതി കത്തിയ മൃതദേഹം ഭക്ഷിച്ച യുവാവിനെ പിടികൂടി. തമിഴ്‌നാട്‌ തിരുനെല്‍വേലി സ്വദേശി എസ് മുരുഗേശ (43) നെയാണ്‌ പൊലീസ് പിടികൂടിയത്. ഇയാളെ മാനസികാരോഗ്യ കേന്ദ്രത്തില്‍ പ്രവേശിപ്പിച്ചു.
ഞായറാഴ്‌ച പുലര്‍ച്ചെ 1.30ഓടെ ശ്‌മശാനത്തില്‍ നിന്നും മുരുകേശനെ പിടികൂടിയത്. ഇതുവഴി കടന്നുപോയവര്‍ ശബ്‌ദംകേട്ട് ശ്‌മശാനത്തില്‍ കയറിനോക്കി. ഈ സമയം മുരുഗേശന്‍ അബോധാവസ്ഥയിലായിരുന്നു. ശ്‌മശാനത്തിലെ ജോലിക്കാരനാണെന്ന് കരുതി ആളുകള്‍ തിരികെ പോകാനൊരുങ്ങിയെങ്കിലും ചാരം മാറ്റി, പാതിവെന്ത മൃതദേഹം ഭക്ഷിച്ച നിലയില്‍ കണ്ടെത്തുകയായിരുന്നു.
മൃതദേഹം മുറിച്ചുമാറ്റാന്‍ ഉപയോഗിച്ച കത്തിയും മുരുഗേശന്റെ സമീപത്തുനിന്നും കണ്ടെത്തി.തുടര്‍ന്ന് പൊലീസ് സംഭവസ്ഥലത്ത് എത്തി ഇയാളെ പിടികൂടുകയായിരുന്നു. തലേദിവസം രാത്രിയില്‍ ദഹിപ്പിച്ച 70 വയസായ സ്‌ത്രീയുടെ മൃതദേഹമാണ് മുരുഗേശന്‍ ഭക്ഷിച്ചത്. മയക്കുമരുന്നിന് അടിമയായ ഇയാള്‍ രാമനാഥപുരത്ത് ദിവസവേതനത്തിനു ജോലി ചെയ്യുന്നയാളാണ്
