ശിശു പരിപാലന കേന്ദ്രത്തില്‍ ആറ് വയസുകാരി പീഡനത്തിന് ഇരയായി
താനെ: ശിശു പരിപാലന കേന്ദ്രത്തില്‍ ആറ് വയസുകാരി ലൈംഗിക പീഡനത്തിന് ഇരയായി. ക്രഷ് എന്ന ശിശു പരിപാലന കേന്ദ്രത്തിന്‍റെ ഉടമയുടെ ഭര്‍ത്താവാണ് പീഡിപ്പിച്ചതെന്നാണ് പരാതി. താനെയിലാണ് സംഭവം. പെണ്‍കുട്ടിയുടെ അമ്മ ഫാക്ടറി തൊഴിലാളിയാണ്. സ്ത്രീ നടത്തുന്ന ക്രഷില്‍ കുട്ടിയെ ഏല്‍പ്പിച്ചാണ് ഇവര്‍ ജോലിക്ക് പോയിരുന്നത്.
ക്രഷ് ഉടമയുടെ ഭര്‍ത്താവിനെതിരെ ഐ.പി.സി, പോക്സോ നിയമപ്രകാരം പൊലീസ് കേസെടുത്തതായി ഡി.വൈ.എസ്.പി വിശ്വാസ് വാല്‍വി പറഞ്ഞു. 30 വയസുള്ള പ്രതിയെ ഇതുവരെ അറസ്റ്റ് ചെയ്യാനായിട്ടില്ല. കഴിഞ്ഞ 22നാണ് സംഭവം നടന്നതെങ്കിലും ഇന്നലെയാണ് പൊലീസില്‍ പരാതി ലഭിച്ചത്. ക്രഷില്‍ എത്തുന്ന ഏക പെണ്‍കുട്ടിയാണ് പീഡനത്തിന് ഇരയായ ആറ് വയസുകാരി.
