ശബരിമല യുവതി പ്രവേശനം സ്റ്റേ ചെയ്യണമെന്ന ആവശ്യം സുപ്രീം കോടതി വീണ്ടും തള്ളി
ശബരിമലയില്‍ യുവതി പ്രവേശനം അനുവദിച്ചുള്ള ഭരണഘടനാ ബെഞ്ചിന്റെ വിധി സ്റ്റേ ചെയ്യണമെന്ന ആവശ്യം സുപ്രീം കോടതി വീണ്ടും തള്ളി. പുനപരിശോധനാ ഹര്‍ജി ജനുവരി 22 ന് മുമ്പ് പരിഗണിക്കാനാകില്ലെന്ന് ചീഫ് ജസ്റ്റിസ് രഞ്ജന്‍ ഗോഗോയ് വ്യക്തമാക്കി.
പുന പരിശോധനാ ഹര്‍ജിയും റിട്ട് ഹര്‍ജിയും ഫയല്‍ ചെയ്തിട്ടുള്ള ശൈലജാ വിജയന്‍ എന്ന ഭക്തയുടെ അഭിഭാഷകനാണ് ചീഫ് ജസ്റ്റിസ് മുമ്പേ കോടതിയില്‍ ഇതു വാക്കാല്‍ ആവശ്യപ്പെട്ടത്. ജനുവരി 22 ന് മുമ്പ് പുനപരിശോധനാ ഹര്‍ജി പരിഗണിക്കണമെന്നും മുഴുവന്‍ സ്ത്രീകള്‍ക്കും പ്രവേശനം അനുവദിച്ചുള്ള വിധി സ്റ്റേ ചെയ്യണമെന്നുമാണ് കോടതിയ്ക്ക് മുന്നില്‍ ഉന്നയിച്ചത്. എന്നാല്‍ പുന പരിശോധനാ ഹര്‍ജികള്‍ 22 ന് മാത്രമേ പരിഗണിക്കൂവെന്നും അതുവരെ കാത്തിരിക്കണമെന്നും ചീഫ് ജസ്റ്റിസ് പറഞ്ഞു.
