തെരുവനായയുടെ ആക്രമണത്തില്‍ എഴുപത്തിനാലുകാരി ഉള്‍പ്പെടെ ആറുപേര്‍ക്ക് പരിക്ക്; പ്രദേശത്ത് നായശല്യം കൂടുതലെന്ന് നാട്ടുകാര്‍
ഗുരുവായൂര്‍: തെരുവുനായക്കളുടെ ആക്രമണത്തില്‍ പരിക്കേറ്റ ആറുപേരെ തൃശൂര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. കൊടുവള്ളിശേരി ക്ഷേത്രത്തിനു സമീപവും താമരയൂര്‍ പള്ളിക്കു സമീപമാണ് ആക്രമണമുണ്ടായത്. രാവിലെ എട്ടോടെയാണ് സംഭവം. കൂളിയാട്ട് വീട്ടില്‍ അഞ്ജലിയെ (17)വീടിനു സമീപത്തുവച്ചും ചായക്കടയില്‍ ചായകുടിക്കാന്‍ വന്നപ്പോഴാണ് കാവീട് പെരിങ്ങാടന്‍ വിശ്വന് (62) തെരുവുനായയുടെ കടിയേറ്റത്.
വാഴപ്പുള്ളി റോസി (74), തട്ടായില്‍ രവീന്ദ്രന്‍ (63), കറുപ്പന്‍വീട്ടില്‍ അബൂബക്കര്‍ (65) എന്നിവരെ വീടിനു സമീപത്തുനിന്നാണ് തെരുവുനായ്കള്‍ ആക്രമിച്ചത്. നൂറംകുളങ്ങര മോഹനനെ (64) ഇന്നലെ രാത്രിയാണ് തെരുവുനായ ആക്രമിച്ചത്. പ്രദേശത്ത് തെരുവുനായ്ശല്യം രൂക്ഷമാണെന്ന് നാട്ടുകാര്‍ പറഞ്ഞു.
