തിരുവഞ്ചൂര്‍ രാധാകൃഷ്ണന്റെ കാര്‍ അപകടത്തില്‍ പെട്ടു
തിരുവനന്തപുരം: തിരുവഞ്ചൂര്‍ രാധാകൃഷ്ണന്‍ എംഎല്‍എ സഞ്ചരിച്ച കാര്‍ അപകടത്തില്‍ പെട്ടു. തിരുവനന്തപുരം നാലാഞ്ചിറയില്‍ വച്ചാണ് കാര്‍ അപകടത്തില്‍ പെട്ടത്. മുന്‍വശം പൂര്‍ണമായും തകര്‍ന്ന കാറില്‍ തിരുവഞ്ചൂരും ഡ്രൈവറും ഭാഗ്യം കൊണ്ടാണ് രക്ഷപ്പെട്ടത്. ഡ്രൈവര്‍ക്ക് നിസാര പരുക്കേറ്റു. തിരുവഞ്ചൂര്‍ പരുക്കേല്‍ക്കാതെ രക്ഷപ്പെട്ടു.
നാലാഞ്ചിറയില്‍ വച്ച്‌ നിയന്ത്രണം വിട്ട കാര്‍ അടുത്തുള്ള ഒരു വീടിന്റെ മതിലില്‍ ഇടിച്ചു നില്‍ക്കുകയായിരുന്നു. അപകടത്തില്‍ ഇന്നോവ ക്രിസ്റ്റ കാറിന്റെ മുന്‍ഭാഗം പൂര്‍ണമായും തകര്‍ന്നു. ഡ്രൈവര്‍ നിസാറിനെ നിസാര പരുക്കുകളോടെ തിരുവനന്തപുരം മെഡിക്കല്‍ കോളജില്‍ പ്രവേശിപ്പിച്ചിരിക്കുകയാണ്.
