കോഴിക്കോട്ടുനിന്ന് 2.5 കോടിയുടെ കണക്കില്‍പ്പെടാത്ത കറന്‍സി പിടികൂടി
കോഴിക്കോട്: മാവൂര്‍റോഡിലെ വിദേശനാണ്യ വിനിമയ സ്ഥാപനത്തില്‍നിന്ന് 2.5 കോടിയുടെ കണക്കില്‍പ്പെടാത്ത കറന്‍സി പിടികൂടി.
എന്‍ഫോഴ്സ്മെന്റ് വിഭാഗം നടത്തിയ പരിശോധനയില്‍ ഇന്ത്യന്‍ കറന്‍സിയും വിദേശ കറന്‍സിയുമാണ് പിടികൂടിയത്. കരിപ്പൂര്‍ വിമാനത്താവളം വഴി വിദേശത്തേക്ക് കടത്താനിരുന്ന കറന്‍സിയാണ് പിടികൂടിയത്.
കറന്‍സി കടത്താന്‍ ശ്രമിക്കുന്നതിനിടെ ഒരാള്‍ കരിപ്പൂര്‍ വിമാനത്താവളത്തില്‍നിന്ന് കഴിഞ്ഞ ദിവസം പിടിയിലായിരുന്നു. ഇയാളില്‍നിന്ന് ലഭിച്ച വിവരത്തിന്റെ അടിസ്ഥാനത്തിലാണ് വിദേശ്യനാണ്യ വിനിമയ സ്ഥാപനത്തില്‍ എന്‍ഫോഴ്സ്മെന്റ് പരിശോധന നടത്തിയത്.
Advertisements
നോട്ട് അസാധുവാക്കല്‍ നടപടിയുണ്ടായ കാലത്ത് വിദേശത്തേക്ക് കറന്‍സി കടത്താന്‍ ശ്രമിക്കുന്നുവെന്ന പരാതിയെത്തുടര്‍ന്ന് നിരീക്ഷണത്തിലായിരുന്നു സ്ഥാപനം.
