കോഴിക്കോട് വ്യാജമദ്യം കഴിച്ച്‌ ഒരാള്‍ മരിച്ചു
കുന്ദമംഗലം: കോഴിക്കോട് വ്യാജമദ്യം കഴിച്ച്‌ ഒരാള്‍ മരിച്ചു. അഞ്ച് പേരെ ഗുരുതരാവസ്ഥയില്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
ചാത്തമംഗലം സ്വദേശി ബാലനാണ് (54)മരിച്ചത്. കുന്ദമംഗലത്തിനടുത്ത് മലയമ്മയിലാണ് സംഭവം. ആശുപത്രിയില്‍ ഉപയോഗിക്കുന്ന സ്പിരിറ്റ് മദ്യത്തില്‍ ചേര്‍ത്ത് കുടിച്ചതാണ് അപകടത്തിന് കാരണമെന്ന് സംശയിക്കുന്നു.
ബാലനൊപ്പം മദ്യപിച്ച സന്ദീപ്, ചേക്കുട്ടി എന്നിവര്‍ ഗുരുതരാവസ്ഥയില്‍ കോഴിക്കോട് മെഡിക്കല്‍ കോളേജില്‍ ചികിത്സയിലാണ്.
Advertisements
കിണറു പണിക്കാരായ ഇവര്‍ ജോലിക്കിടയിലാണ് മദ്യം കഴിച്ചതെന്നാണ് അറിയുന്നത്. മദ്യം കഴിച്ച്‌ അധികം വൈകാതെ കുഴഞ്ഞു വീണവരെ കോഴിക്കോട് മെഡി.കോളേജില്‍ പ്രവേശിപ്പിച്ചെങ്കിലും ബാലന്‍ മരണപ്പെടുകയായിരുന്നു. കൂടുതല്‍ പേര്‍ വ്യാജമദ്യം കഴിച്ചിട്ടുണ്ടോ എന്ന കാര്യം വ്യക്തമല്ല.
