കൊച്ചിയില്‍ വന്‍ സ്വര്‍ണ കവര്‍ച്ച
കൊച്ചി: കൊച്ചിയില്‍ കാറില്‍ കൊണ്ടുവന്ന ആറ് കോടിയോളം വിലവരുന്ന സ്വര്‍ണം കവര്‍ച്ച ചെയ്യപ്പെട്ടു. എറണാകുളത്തെ സ്വകാര്യ സ്ഥാപനത്തില്‍ നിന്ന് ഇടയാറിലെ സ്ഥാപനത്തിലേക്ക് ശുദ്ധീകരിക്കാനായി കൊണ്ടുവന്ന സ്വര്‍ണമാണ് കവര്‍ന്നത്. ബൈക്കില്‍ എത്തിയ രണ്ടു പേരാണ് കാര്‍ ആക്രമിച്ച്‌ സ്വര്‍ണം കവര്‍ന്ന് കടന്നത്. കാറിലുണ്ടായിരുന്നവര്‍ക്ക് ഇവരുടെ ആക്രമണത്തില്‍ പരിക്കേറ്റിട്ടുണ്ട്.
സ്വര്‍ണം എത്തുന്ന വിവരം മുന്‍കൂട്ടി അറിയാവുന്നവരാണ് കവര്‍ച്ചക്ക് പിന്നിലെന്നാണ് പൊലീസിന്റെ വിലയിരുത്തല്‍. ഇടയാറിലെ സിആര്‍ജി മെറ്റലേഴ്സ് സ്ഥാപനത്തിലെ ജീവനാക്കാരെ പൊലീസ് ചോദ്യം ചെയ്ത് വരികയാണ്.
