സ്കൂളിൽ കുടിവെള്ളമെത്തിച്ച് ഓട്ടോ തൊഴിലാളികൾ

കോഴിക്കോട്; എടക്കാട് യൂണിയൻ എ.എൽ.പി സ്കൂളിൽ വണ്ടിപ്പേട്ട ഓട്ടോ കൂട്ടായ്മയുടെ നേതൃത്വത്തിൽ കുടിവെള്ളത്തിനായി സംവിധാനം ഒരുക്കി. നടക്കാവ് വണ്ടിപ്പേട്ട സ്റ്റാൻറിലെ ഓട്ടോ തൊഴിലാളികളാണ് സഹായഹസ്തവുമായി ഇതിന് പിന്നിൽ പ്രവർത്തിച്ചത്. ഒന്നാം ക്ലാസ്സ്‌ വിദ്യാർത്ഥിയായ പ്രണവിന് വെള്ളം കൈമാറി പരിപാടി ഉദ്ഘാടനം ചെയ്തു. ഓട്ടോ തൊഴിലാളികളും രക്ഷിതാക്കളുമായ സജീവ്, ഷിജിത്ത് കുമാർ, അധ്യാപകർ, വിദ്യാർത്ഥികൾ എന്നിവർ പങ്കെടുത്തു. എച്ച്.എം എ. ജി. ദീപ നന്ദി പറഞ്ഞു.