ഏ.കെ.ജി. ഫുട്‌ബോൾ മേളയ്ക്ക് ആവേശകരമായ തുടക്കം
കൊയിലാണ്ടി: ഏ.കെ.ജി. റോളിംഗ് ട്രോഫിക്കും ടി. വി. കുഞ്ഞിക്കണ്ണൻ സ്മാരക റണ്ണേഴ്‌സ്അപ്പിനും വേണ്ടയുള്ള 41-ാംമത് സെവൻസ് ഫുട്‌ബോൾ മത്സരത്തിന് കൊയിലാണ്ടിയിൽ ഉജ്ജ്വല തുടക്കം. കൊയിലാണ്ടി സ്‌പോർട്‌സ് കൗൺസിൽ സ്‌റ്റേഡിയത്തിൽ പ്രത്യേകം സജ്ജമാക്കിയ എൻ.കെ. ചന്ദ്രൻ സ്മാരക ഫ്‌ളഡ്‌ലിറ്റ് ഗ്രൗണ്ടിൽ നടന്ന ആദ്യ മത്സരത്തിൽ ജ്ഞ്യാനോദയം ചെറിയമങ്ങാട് എതിരില്ലാത്ത രണ്ട് ഗോളുകൾക്ക് RD മോട്ടോർസ് ഹീറോ ഹോണ്ട കൊയിലാണ്ടിയെ പരാചയപ്പെടുത്തി.
നേരത്തെ മേളയുടെ ഔപചാരിക ഉദ്ഘാടനം കൊയിലാണ്ടി എം.എൽ.എ. കെ. ദാസൻ നിർവ്വഹിച്ചു. നഗരസഭ ചെയർമാൻ അഡ്വ: കെ. സത്യൻ അദ്ധ്യക്ഷതവഹിച്ച ചടങ്ങിൽ സംഘാടകസമിതി ജനറൽ കൺവീനർ സി. കെ. മനോജ് പതാക ഉയർത്തി. മുൻ എം.എൽ.എ. പി. വിശ്വൻ, വിവിധ രാഷ്ട്രീയ പാർട്ടി പ്രതിനിധികളായ പി. കെ. ഭരതൻ, ടി. വി. ദാമോദരൻ, ഇ.കെ. അജിത്ത്, വായനാരി വിനോദ്, സി. കെ. ജയദേവൻ, മുൻ സർവ്വീസസ് താരം കുഞ്ഞിക്കണാരൻ, ആർ. ടി. മുരളി തുടങ്ങിയവർ ആശംസകൾ നേർന്നു.
സംഘാടകസമിതി ജനറൽ സെക്രട്ടറി യു. കെ. ചന്ദ്രൻ സ്വാഗതവും, നഗരസഭാ വിദ്യാഭ്യാ സ്റ്റാന്റിംഗ് കമ്മിറ്റി ചെയർമാൻ കെ. ഷിജുമാസ്റ്റർ നന്ദിയും പ്രകാശിപ്പിച്ചു. തിങ്കളാഴ്ച വൈകീട്ട് 7 മണിക്ക് നടക്കുന്ന രണ്ടാം ദിവസ മത്സരത്തിൽ വിംഗ്‌സ് ബ്യൂട്ടിപാർലർ കൊയിലാണ്ടിയും ഓസ്‌ക്കാർ എളേറ്റിലും തമ്മിൽ ഏറ്റുമുട്ടും.
