സുഗതകുമാരി സ്മാരക പരിസ്ഥിതി സംരക്ഷണ വേദിയുടെ നേതൃത്വത്തിൽ ലോക പരിസ്ഥിതി ദിനാചരണം നടത്തി
കൊയിലാണ്ടി: സുഗതകുമാരി സ്മാരക പരിസ്ഥിതി സംരക്ഷണ വേദിയുടെ നേതൃത്വത്തിൽ ലോക പരിസ്ഥിതി ദിനാചരണത്തിൻ്റെ ജില്ലാ തല ഉദ്ഘാടനം നെല്ലാടിക്കടവ് കളത്തും കടവ് അംഗൻവാടി പരിസരത്ത് നടന്നു. കൊയിലാണ്ടി സി. ഐ ശ്രീലാൽ ചന്ദ്രശേഖരൻ ഉദ്ഘാടനം ചെയ്തു. സുഗതകുമാരി പരിസ്ഥിതി സംരക്ഷണവേദി സംസ്ഥാന പ്രസിഡണ്ട് കെ എം സുരേഷ് ബാബു അദ്ധ്യക്ഷത വഹിച്ചു.
യോഗത്തിൽ പരപ്പിൽ ബാലകൃഷ്ണൻ, വേലായുധൻ കീഴരിയൂർ ടി കെ നാരായണൻ, സി പി ബിന്ദു, വടകര വിജയൻ, രാജൻ ചൈത്രം, എം എം രമേഷ്, എം ഭീലിപ്, അജിത്ത് എം എം, കെ കൃഷ്ണദാസ്, ശാരദ ശ്രീധരൻ എന്നിവർ പ്രസംഗിച്ചു. മരം ഒരു വരം എന്ന കവിത ശ്രീനി നടുവത്തൂർ അവതരിപ്പിച്ചു. പങ്കെടുത്ത മുഴുവൻ അംഗങ്ങൾക്കും കാസർക്കോഡൻ മംഗളം തൈ വിതരണം ചെയ്തു. സി കെ. ബാബുവിനെ സി.ഐ പൊന്നാടണിയിച്ച് ആദരിച്ചു.
