4,000 മുതൽ 12,000 വരെ സ്റ്റെപ്പുകള് നടക്കുന്നത് ആയുർദൈർഘ്യം കൂട്ടും: വിദഗ്ധര്‍ പറയുന്നു…
.
പ‍ഴയകാലമല്ലിത്. പണ്ടുള്ളവയെക്കാ‍ള്‍ മലയാളികള്‍ തങ്ങളുടെ ആരോഗ്യത്തില്‍ കൂടുതല്‍ ശ്രദ്ധ പുലര്‍ത്തുവാൻ തുടങ്ങി. അതിൻ്റെ ഭാഗമായി വ്യായാമങ്ങളും നടക്കാനും പോകാൻ തുടങ്ങി. പ്രതിദിനം 4,000 മുതൽ 12,000 വരെ നടക്കുകയാണെങ്കില്‍ ആയുർദൈർഘ്യം വര്‍ദ്ധിക്കുമെന്നാണ് വിദഗ്ധര്‍ പറയുന്നത്.
സ്ഥിരമായി നാലായിരം സ്റ്റെപ്പുകള് മാത്രം നടക്കുകയാണെങ്കില്‍ അത് മറ്റ് മാരകമായ രോഗങ്ങള്‍ വരുന്നതിന് കാരണമാകുമെന്നാണ് ഡാൻ ഗോ പോലുള്ള ഫിറ്റ്നസ് വിദഗ്ധർ അഭിപ്രായപ്പെടുന്നത്. മാനസികാരോഗ്യത്തെ ബാധിക്കുകയും ആയുർദൈർഘ്യം കുറയ്ക്കുകയും ചെയ്യുമെന്നും അദ്ദേഹം കൂട്ടിച്ചേര്‍ത്തു. ദിവസവും 10 മിനിറ്റ് പാർക്കിൽ നടക്കുന്നത് ക്ളിയര്‍ മൈൻഡ് ലഭിക്കാൻ സഹായിക്കുന്നു. നമ്മുടെ വികാരങ്ങളിൽ ശ്രദ്ധേയമായ വ്യത്യാസം വരുകയും ചെയ്യുന്നു. ഫിറ്റ്നസ് പരിശീലകനായ ഡാൻ ഗോ ഒരു ദിവസം 4,000 മുതല്‍ 12,000 സ്റ്റെപ്പുകള് വരെ നടക്കുമെന്നാണ് പറയുന്നത്. ഓരോ പ്രാവശ്യം നടക്കുമ്പോ‍ഴും എന്ത് സംഭവിക്കുമെന്ന് ഡാൻ ഗോ പറയുന്നു.
4,000 സ്റ്റെപ്പുകള്
ഒരു ദിവസം 4,000 സ്റ്റെപ്പുകള് മാത്രം നടക്കുന്നത് മടിയായാണ് കണക്കാക്കുന്നത്. വിഷാദം, ക്ഷീണം, അകാല മരണ സാധ്യത എന്നിവയുമായി ഇക്കാര്യം ബന്ധപ്പെട്ടിരിക്കുന്നു. ഹൃദയ, പേശി, നാഡീ ആരോഗ്യം നിലനിർത്താൻ ശരീരത്തിന് പതിവ് പ്രവർത്തനം ആവശ്യമാണ്. ചലനം കുറയുമ്പോള്‍, അവയവങ്ങൾക്ക് ഓക്സിജൻ സമ്പുഷ്ടമായ രക്തം ലഭ്യമല്ലാതെ വരും. ഊർജ്ജം കുറയുന്നു. മാനസിക വ്യക്തത കുറയുന്നു.
6,000 സ്റ്റെപ്പുകള്: തലച്ചോറിൻ്റെ പ്രവർത്തനം മെച്ചപ്പെടുത്തുന്നു
പ്രതിദിനം 6,000 സ്റ്റെപ്പുകള് നടക്കുന്നത് തലച്ചോറിൻ്റെ പ്രവർത്തനം മെച്ചപ്പെടുത്തുന്നുവെന്ന് പറയുന്നു. തലച്ചോര്‍ എപ്പോ‍ഴും ഉണര്‍ന്നിരിക്കാൻ സഹായിക്കുന്നു. 4,000 സ്റ്റെപ്പുകള് മാത്രം നടക്കുന്ന വ്യക്തികളുമായി താരതമ്യപ്പെടുത്തുമ്പോൾ മരണ സാധ്യത ഏകദേശം 15 ശതമാനം കുറയുന്നുണ്ട്. ഭക്ഷണത്തിനുശേഷം നടക്കുകയോ ലിഫ്റ്റുകൾക്ക് പകരം പടികൾ കയറുകയോ ചെയ്യുന്നത് ശരീരത്തിന് വളരെ നല്ലതാണ്.
