വ്യാപാര സ്ഥാപനത്തിനുനേരെ അജ്ഞാതർ സ്റ്റീൽ ബോംബ് എറിഞ്ഞു

വളയം: വ്യാപാര സ്ഥാപനത്തിനുനേരെ അജ്ഞാതർ സ്റ്റീൽ ബോംബ് എറിഞ്ഞു. പൊട്ടാതെ കടയുടെ വരാന്തയ്ക്ക് സമീപത്ത് കണ്ടെത്തിയ ബോംബ് വളയം പൊലീസ് കസ്റ്റഡിയിലെടുത്ത് നിർവീര്യമാക്കി. വളയം നിരവുമ്മലിലെ നടുക്കണ്ടിയിൽ ദാമോദരന്റെ കടയ്ക്കുനേരെയാണ് ബോംബേറുണ്ടായത്. തിങ്കളാഴ്ച രാവിലെ 7.30ഓടെ കട തുറക്കാനെത്തിയപ്പോഴാണ് പൊട്ടിയ സ്റ്റീൽ കണ്ടെയ്നറും സമീപത്ത് വെടിമരുന്ന് ചിതറിക്കിടക്കുന്നതും കണ്ടത്.

വിവരം അറിയിച്ചതിനെ തുടർന്ന്‌ പൊലീസ് നടത്തിയ പരിശോധനയിൽ സ്റ്റീൽ ബോംബാണെന്ന് സ്ഥിരീകരിച്ചു. വടകരയിൽ നിന്നെത്തിയ വിരലടയാള വിദഗ്‌ധർ, ബോംബ്, കെ 9 സ്ക്വാഡ് അംഗങ്ങൾ എന്നിവർ സ്ഥലത്ത് പരിശോധന നടത്തി. സംഭവത്തിൽ വളയം പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു. വ്യാപാരി വ്യവസായി സമിതി ഏരിയാ കമ്മിറ്റി പ്രതിഷേധിച്ചു.