സിഐടിയു നേതൃത്വത്തിൽ ഗവ. ആശുപത്രിക്കു മുന്നിൽ ജീവനക്കാർ പ്രതിഷേധ ധർണ്ണ നടത്തി
കൊയിലാണ്ടി: കൊയിലാണ്ടി ഗവ. ഹോസ്പിറ്റൽ ഡെവലപ്മെന്റ് സൊസൈറ്റി എംപ്ലോയിസ് യൂണിയൻ (സിഐടിയു) നേതൃത്വത്തിൽ വിവിധ ആവശ്യങ്ങളുന്നയിച്ച് രണ്ടാം ദിവസവും ഗവ. ആശുപത്രിക്കു മുന്നിൽ ജീവനക്കാർ പ്രതിഷേധ ധർണ്ണ നടത്തി. കെജിഎച്ച്ഡിഎസ്ഇയു സിഐടിയു സംസ്ഥാന കമ്മിറ്റി അംഗം രശ്മി കൊയിലാണ്ടി ഉദ്ഘാടനം ചെയ്തു. ബിജീഷ് അധ്യക്ഷത വഹിച്ചു. സംസ്ഥാന കമ്മിറ്റി നന്ദകുമാർ ഒഞ്ചിയം സംസാരിച്ചു.
വർഷങ്ങളായി ജോലി ചെയ്യുന്ന ജീവനക്കാരെ പിരിച്ചുവിടാനുള്ള എച്ച്എംസി തീരുമാനം ഉപേക്ഷിക്കുക, ആശുപത്രി സൂപ്രണ്ടിന്റെയും,സുപ്രണ്ട് ഓഫീസ് ജിവനക്കാരുടെയും തൊഴിലാളി ദ്രോഹനടപടികൾ അവസാനിപ്പിക്കുക, അന്യായമായ ബോണ്ട് ബ്രേക്ക് സംവിധാനം അവസാനിപ്പിക്കുക തുടങ്ങിയ ആവശ്യങ്ങൾ ഉന്നയിച്ചാണ് സമരം സംഘടിപ്പിച്ചത്. ദിവസങ്ങളിൽ സൂചന പണിമുടക്ക് സമരവുമായി മുന്നോട്ടു പോകാനാണ് യൂണിയൻ തീരുമാനം. ഏരിയ സെക്രട്ടറി ശൈലേഷ് കെ കെ സ്വാഗതം പറഞ്ഞു.
