വീട് പൊളിക്കുന്നതിനിടെ ചുവരിടിഞ്ഞു വീണ് രണ്ട് പേർ മരിച്ചു
പാലക്കാട്: വീട് പൊളിക്കുന്നതിനിടെ ചുവരിടിഞ്ഞു വീണ് രണ്ട് യുവാക്കൾ മരിച്ചു. അപകടത്തിൽ പെരുവെമ്പ് വെള്ളപ്പന സി. വിനു (36), പൊൽപ്പുള്ളി വേർകോലി എൻ. വിനിൽ (32) എന്നിവരാണ് മരിച്ചത്. ഉച്ചയ്ക്ക് മൂന്ന് മണിയോടെ കൊഴിഞ്ഞാമ്പാറയിൽ പഴയ വീട് പൊളിക്കുന്നതിനിടെയായിരുന്നു അപകടം ഉണ്ടായത്.
വീട് പൊളിക്കുന്നതിനിടെ പൂർണ്ണമായും സ്ലേബ് ഇടിഞ്ഞുവീഴുകയായിരുന്നു. ഇവർ രണ്ടുപേരും വീടിന്റെ അകത്തായിരുന്ന കാരണം രക്ഷപ്പെടാനായില്ല. കൊഴിഞ്ഞാമ്പാറ ഗവ ആശുപത്രിക്ക് സമീപമുള്ള ഒരു പഴയവീട് പൊളിക്കുന്നതിനിടയിലാണ് അപകടം. വീട് പൊളിക്കുന്നതിനിടെ ഒരു ഭാഗത്തെ ചുമരിടിഞ്ഞ് വീണ് രണ്ടുപേർ മരിക്കുകയായിരുന്നു. മൂന്ന് പേർ പുറത്തും രണ്ടുപേർ വീടിനുളളിലുമായിരുന്നു.
വീടിനുളളി ലുളള രണ്ട് പേരാണ് അപകടത്തിൽപെട്ടത്. ശബ്ദം കേട്ട് മറ്റ് തൊഴിലാളികൾ ഓടി വന്നെങ്കിലും പുറത്തെടുക്കുന്നതിന് മുമ്പ് തന്നെ ഇരുവരും മരിച്ചിരുന്നു. മരണം സ്ഥിരീകരിച്ചതിന് ശേഷം ഇവരുടെ മൃതദേഹം ജില്ലാ ആശുപത്രിയിലേക്ക് മാറ്റി. മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടു നൽകും.
