ആഡംബര കാറിൽ കഞ്ചാവ് കടത്തിയ രണ്ട് ഇതര സംസ്ഥാനക്കാർ പിടിയിൽ

ആഡംബര കാറിൽ കഞ്ചാവ് കടത്തിയ രണ്ട് ഇതര സംസ്ഥാനക്കാർ പെരുമ്പാവൂരിൽ പിടിയിൽ. വെസ്റ്റ് ബംഗാൾ മുർഷിദാബാദ് സ്വദേശി മനിറുൽ മണ്ഡൽ (27), സോഞ്ചുർ മണ്ഡൽ (25) എന്നിവരാണ് പൊലീസിന്റെ പിടിയിലായത്. കാറിന്റെ ഡിക്കിക്കുള്ളിലും, സീറ്റിനടിയിലുമായി ഒളിപ്പിച്ചു കടത്തിയ 8 കിലോ കഞ്ചാവ് പൊലീസ് പിടികൂടി. 3 ലക്ഷം രൂപയിൽ അധികം വില വരുന്ന കഞ്ചാവ് ആണ് പൊലീസ് ഇവരുടെ കയ്യിൽ നിന്നും പിടികൂടിയത്.