മലപ്പുറത്ത് എംഡിഎംഎയുമായി മൂന്ന് പേർ അറസ്റ്റിൽ
തിരൂർ: മലപ്പുറം തിരൂർ റെയിൽവേ സ്റ്റേഷൻ പരിസരത്ത് നിന്നും 141.58 ഗ്രാം എംഡിഎംഎയുമായി മൂന്ന് പേർ അറസ്റ്റിൽ. മലപ്പുറം പെരിന്തൽമണ്ണ സ്വദേശി ഹൈദർ അലി, വേങ്ങര കുറ്റൂർ സ്വദേശി അസൈനാർ, വേങ്ങര കണ്ണമംഗലം സ്വദേശി മുഹമ്മദ് കബീർ എന്നിവർ ആണ് പിടിയിലായത്.
രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് പ്രതികൾ പിടിയിലാണ്. അറസ്റ്റിലായ ഹൈദർ അലി ഒമാനിൽ നിന്നുമാണ് എംഡിഎംഎ എത്തിച്ചത്. വിൽപ്പനയ്ക്കായിട്ടാണ് പ്രതികൾ വൻ തോതിൽ എംഡിഎംഎ എത്തിച്ചത് എന്നാണ് പൊലീസിന്റെ പ്രധാന നിഗമനം. പ്രതികളെ കോടതിയിൽ ഹാജരാക്കി.
