കണയങ്കോട് കിടാരത്തിൽ ശ്രീ തലച്ചില്ലോൻ ദേവീ ക്ഷേത്രത്തിലെ തുലാപ്പത്ത് ഉത്സവം കൊണ്ടാടി

കൊയിലാണ്ടി: കണയങ്കോട് കിടാരത്തിൽ ശ്രീ തലച്ചില്ലോൻ ദേവീ ക്ഷേത്രത്തിലെ തുലാപ്പത്ത് ഉത്സവം കൊണ്ടാടി. വന്‍ ഭക്തജനങ്ങളുടെ സാന്നിദ്ധ്യത്തിലാണ് ചടങ്ങുകള്‍ സംഘടിപ്പിച്ചത്. തുലാം 10 ദക്ഷിണായനത്തിലെ പത്താംമുദയത്തിന് ശേഷമാണ് വടക്കൻ കേരളത്തിലെ അമ്പലപ്പറമ്പുകളിലും, തിറയാട്ട കാവുകളിലും തെയ്യകോലങ്ങൾ കെട്ടിയാടി കാൽ ചിലമ്പുകളുടേയും, അരുളപ്പാടിൻ്റെയും ആരവങ്ങൾക്ക് തുടക്കം കുറിക്കുന്നത്.

ചടങ്ങിനോടനുബന്ധിച്ച് വിശേഷാൽ പൂജകൾ, തായമ്പക, ദീപാരാധന, തിറയാട്ടം എന്നിവയാണ് മുഖ്യചടങ്ങുകൾ. തലച്ചില്ലോൻ ദേവന്റെ വെള്ളാട്ട് പ്രശസ്ത തെയ്യം കലാകാരൻ നിധീഷ് കുറുവങ്ങാട് ആണ് കെട്ടിയാടിയത്.