മുഖ്യമന്ത്രിയുടെ ഓഫീസിനെതിരായ പരാമർശങ്ങൾ എൻ്റെ അറിവോടെയല്ല; ഐജി ലക്ഷ്മണയുടെ കത്ത് പുറത്ത്
തിരുവനന്തപുരം: ഹൈക്കോടതിയില്‍ നല്‍കിയ ഹര്‍ജിയില്‍ മുഖ്യമന്ത്രിയുടെ ഓഫീസിനെതിരെയുള്ള പരാമര്‍ശങ്ങള്‍ വന്നത് തന്‍റെ അറിവോടെ അല്ലെന്ന് ചൂണ്ടിക്കാട്ടി ഐജി ജി ലക്ഷ്മണ ചീഫ് സെക്രട്ടറിക്ക് കത്ത് നൽകി.
വക്കാലത്ത് നല്‍കിയ അഡ്വ. നോബിള്‍ മാത്യുവാണ് മുഖ്യമന്ത്രിയുടെ ഓഫീസിന് എതിരെയുള്ള പരാമര്‍ശങ്ങള്‍ക്ക് പിന്നിലെന്ന് വ്യക്തമാക്കിയാണ് ലക്ഷ്മണയുടെ കത്ത്. ബിജെപി നേതാവ്‌ കൂടിയാണ്‌ നോബിൾ മാത്യു. ബിജെപി ന്യൂനപക്ഷ മോർച്ച ദേശീയ വൈസ്‌ പ്രസിഡണ്ടാണ്‌. ഈ ഹര്‍ജി പിന്‍വലിക്കാന്‍ നോബിള്‍ മാത്യുവിനോട് ആവശ്യപ്പെട്ടതായും ഐജി ലക്ഷ്മണ ചീഫ് സെക്രട്ടറിക്ക് അയച്ച കത്തില്‍ ചൂണ്ടിക്കാട്ടുന്നു.
