കൊയിലാണ്ടി നഗരസഭയിൽ ഫയൽ അദാലത്ത് നടത്തി
കൊയിലാണ്ടി നഗരസഭയിലെ ഫയൽ നടപടികളിൽ തീർപ്പുകൽപ്പിക്കുന്നതിന് ഫയൽ അദാലത്ത് നടത്തി. അദാലത്തിന്റെ ഭാഗമായി 31 അപേക്ഷകൾ ലഭിച്ചതിൽ 24 അപേക്ഷകൾ തീർപ്പാക്കുകയും അവശേഷിച്ച അപേക്ഷകളിൽ നിയമാനുസൃത തുടർ നടപടികൾ കൈക്കൊള്ളാനും ബന്ധപ്പെട്ട ഉദ്യോഗസ്ഥർക്ക് നിർദ്ദേശം നൽകി. നഗരസഭ ചെയർപേഴ്സൺ സുധ കിഴക്കേപ്പാട്ട് ഉദഘാടനം നിർവ്വഹിച്ചു.
നഗരസഭ സി ഡി എസ് ഹാളിൽ നടന്ന ചടങ്ങിൽ വൈസ് ചെയർമാൻ അഡ്വ. കെ സത്യൻ അധ്യക്ഷത വഹിച്ചു, പൊതുമരാമത്ത് സ്റ്റാന്റിംഗ് കമ്മിറ്റി ചെയർമാൻ ഇ കെ അജിത്ത്, ക്ലീൻ സിറ്റി മാനേജർ ടി കെ സതീഷ്‌കുമാർ എന്നിവർ സംസാരിച്ചു. നഗരസഭ സെക്രട്ടറി ഇന്ദു എസ് ശങ്കരി (കെഎഎസ്) സ്വാഗതവും, നഗരസഭ അസിസ്റ്റന്റ് എഞ്ചിനീയർ കെ ശിവപ്രസാദ് നന്ദിയും പറഞ്ഞു.
