കൊയിലാണ്ടി നഗരസഭാ കുടുംബശ്രീ എന്നിടം ക്യാമ്പയി‍ൻ സംഘടിപ്പിച്ചു
കൊയിലാണ്ടി നഗരസഭാ കുടുംബശ്രീയും കൊയിലാണ്ടി ലൈബ്രറി കൗൺസിലും ചേർന്ന്‌ വായനാ ദിനത്തിൽ പ്രാരംഭം കുറിച്ച വായനം 24 പരിപാടിയുടെ തുടർച്ചയായി എന്നിടം ക്യാമ്പയി‍ൻ സംഘടിപ്പിച്ചു. കാലത്തിന്റെ കയ്യൊപ്പ് എന്ന എംടിയുടെ സാഹിത്യ സൃഷ്ടികളെ പരിചയപ്പെടുത്തുന്ന പരിപാടിയുടെ നഗരസഭാ തല ഉദ്ഘാടനം കോതമംഗലം സ്കൂളിൽ വെച്ച് ക്ഷേമ കാര്യ സ്റ്റാൻഡിൽ കമ്മിറ്റി ചെയർമാൻ കെ. ഷിജു ഉദ്ഘാടനം ചെയ്തു .
വാർഡ്‌ കൗൺസിലർ ദൃശ്യ അധ്യക്ഷയായി. തൻ്റെ 54-ാം മത്തെ വയസ്സിലും LLBക്ക് തയാറെടുക്കുന്ന കുടുംബശ്രീ അംഗമായ പത്മിനിയെ ചടങ്ങിൽ അനുമോദിച്ചു. എം. ടി യെ അനുസ്മരിച്ചു കൊണ്ട് ഷൈമ. പി.വി. മുഖ്യ പ്രഭാഷണം നടത്തി. സി.ഡി.എസ് അധ്യക്ഷ വിബിന. കെ.കെ. സ്വാഗതവും എ ഡി എസ് സെക്രട്ടറി പ്രീതി നന്ദിയും പറഞ്ഞു.
