SYS സംവാദം: ജോയിന്റ് ആർ.ടി.ഒ പി. രാജേഷ് ഉദ്ഘാടനം ചെയ്തു
കൊയിലാണ്ടി: നിയമങ്ങളുടെ കാർക്കശ്യത കൊണ്ടോ ചട്ടങ്ങളുടെ ഭേദഗതി കൊണ്ടോ മാത്രം വാഹനാപകടങ്ങൾ നിയന്ത്രിക്കാനാവില്ലെന്നും വ്യക്തികേന്ദ്രീകൃതമായ ബോധവത്കരണം ഗൗരവമായി തുടർന്നാൽ മാത്രമേ റോഡുകളിലെ മനുഷ്യക്കുരുതിക്ക് അറുതി വരുത്താൻ സാധിക്കുകയുള്ളൂവെന്നും എസ് വൈ എസ് കൊയിലാണ്ടി സോൺ സംവാദം അഭിപ്രായപ്പെട്ടു.
റോഡപകടങ്ങൾ: മലയാളികൾ ഒന്നും പഠിക്കുന്നില്ല എന്ന വിഷയത്തിൽ നടന്ന സംവാദം കൊയിലാണ്ടി ജോയിന്റ് ആർ ടി ഒ . പി രാജേഷ് ഉദ്ഘാടനം ചെയ്തു. അബ്ദുന്നാസിർ സഖാഫി അധ്യക്ഷത വഹിച്ചു. എസ് വൈ എസ് ജില്ല ജനറൽ സെക്രട്ടറി അഫ്സൽ കൊളാരി ആമുഖ പ്രഭാഷണം നടത്തി. ഫിർദൗസ് സുറൈജ് സഖാഫി വിഷയാവതരണം നടത്തി. സി. അശ്വനി ദേവ്, നൗഫൽ നന്തി, മൻസൂർ ഇർഷാദ്, മുഹ്സിൻ മാലിക് സഖാഫി സംസാരിച്ചു.
