ട്രെയിനിന് നേരെ കല്ലേറ്; ഇതര സംസ്ഥാന തൊഴിലാളി അറസ്റ്റിൽ

.

കോട്ടയം: ജനശതാബ്ദി എക്സ്പ്രസിനു നേരെയുണ്ടായ കല്ലേറിൽ യാത്രക്കാരിയ്ക്ക് പരിക്കേറ്റ സംഭവത്തിൽ ഇതര സംസ്ഥാന തൊഴിലാളി അറസ്റ്റിൽ. പിറവം റെയിൽവേ സ്റ്റേഷനിൽവെച്ച് ട്രെയിനിന് കല്ലെറിഞ്ഞ കേസിലെ പ്രതി പശ്ചിമ ബംഗാൾ സ്വദേശി പ്രകാശ് ധാലി (26) യെയാണ് കോട്ടയം ആർപിഎഫ് എസ്എച്ച്ഒ എൻ എസ് സന്തോഷിന്റെ നേതൃത്വത്തിലുള്ള സംഘം അറസ്റ്റ് ചെയ്തത്. മാർച്ച് ആറിനായിരുന്നു സംഭവം.

വൈകിട്ട് ആറരയോടെയാണ് പിറവം റെയിൽവേ സ്റ്റേഷനു സമീപത്തുവെച്ച് ട്രെയിനിന്റെ ഡി-7 കോച്ചിനു നേരെ കല്ലേറുണ്ടായത്. കല്ലേറിൽ 104 നമ്പർ സീറ്റിലെ വനിതാ യാത്രക്കാരിക്ക്‌ പരിക്കേറ്റു. ട്രെയിനിന്റെ ഇടത് ഭാഗത്തുനിന്നാണ് കല്ലേറുണ്ടായത്. ആക്രമണത്തിൽ ഇവരുടെ ഇടത് കൈയ്ക്ക് പരിക്കേറ്റു.

Advertisements