സ്നേഹതീരം റസിഡൻ്റ്സ് അസോസിയേഷൻ ലഹരി വിരുദ്ധ ക്യാമ്പയിൻ നടത്തി
കൊയിലാണ്ടി: ലഹരി വിരുദ്ധ ക്യാമ്പയിൻ നടത്തി. സ്നേഹതീരം റസിഡൻ്റ്സ് അസോസിയേഷൻ അണേല, കുറുവങ്ങാടിന്റെ നേതൃത്വത്തിൽ ലഹരി വിരുദ്ധ ക്യാമ്പയിൻ നടത്തി. കൊയിലാണ്ടി നഗരസഭ ചെയർമാൻ അഡ്വ. കെ സത്യൻ ഉദ്ഘാടനം ചെയ്തു. കൊയിലാണ്ടി സർക്കിൾ ഇൻസ്പെക്ടർ ശ്രീലാൽ ചന്ദ്രശേഖരൻ മുഖ്യപ്രഭാഷണം നടത്തി. അണേല കടവിൽ വെച്ച് നടന്ന പരിപാടിയിൽ പ്രസിഡണ്ട് സിപി ആനന്ദൻ അധ്യക്ഷത വഹിച്ചു.
സിവിൽ എക്സൈസ് ഓഫീസർ ഷൈനി ബി എൻ ലഹരി വിരുദ്ധ ബോധവൽക്കരണ ക്ലാസ് നടത്തി. ചടങ്ങിൽ വെച്ച് അഭിലാഷ് സിഎസ്, ഷൈമ എൻ കെ, എന്നിവരെ ആദരിച്ചു. സെക്രട്ടറി ഇ. സഹജാനന്ദൻ സ്വാഗതവും സി അജിത് കുമാർ നന്ദിയും പറഞ്ഞു.
